УИХ-ын гишүүн асан, Сангийн сайд асан С.Баярцогт дөнгөж сая хэвлэлийн бага хурал хийлээ. Тэрбээр хууль хүчний байгууллага болон шинжээчид Оюутолгойн гэрээг ойлгохгүй байгаа нь Оюу толгойгоос авах татваруудаа дутуу авах эрсдэл үүсгэж байна гэдгийг онцлов.

Тодруулбал, С.Баярцогт:  "АТГ-аас намайг Оюутолгойн гэрээг байгуулсан асуудлаар эрүүгийн хэрэгт сэжигтэн ядлагдагчаар татаж  73 хоног саатуулсан. Тухайн үед би хуулийн байгууллагынхан гэрээний зүйл заалтыг ойлгохгүй мэдэхгүй, буруу ойлголттой  байсан.  

Надад үүссэн хэрэгтэй холбоотойгоор дөрвөн бүлэг шинжээч томилсон. Банк санхүү, хууль, аудит, татварын гэсэн дөрвөн чиглэлээр шинжээчийн баг гарсан.  2009 онд байгуулагдсан Оюутолгойн  гэрээний талаар сөрөг дүгнэлт гаргаагүй. Харин гэрээний биелэлт нь сөрөг байна гэж дүгнэлт гаргасан. Шинжээчид тухайн үед мэдлэг мэдээлэлгүй байна гэж бодсон. Яагаад гэвэл зөрчилтэй гэж үзсэн 41 зүйлийн 97 хувь нь алдаатай дүгнэлт байсан. Дахиад дүгнэлт гаргахдаа огт хамааралгүй хуулийн зүйл  заалтыг авчирсан байх жишээтэй.  Хэрвээ энэ дүгнэлтэд тулгуурлан шинжээчийн дүгнэлт гарах юм бол ямар эрсдэл үүсч байна вэ гэвэл бид Оюу толгойгоос авах татваруудаа дутуу авах эрсдэл үүснэ.” Гэдгийг хэллээ.

Тиймээс тэрбээр үүсээд байгаа эрсдэлээс сэргийлж Оюу толгойн гэрээтэй холбоотой ном эмхтгэн гаргасан байна. 

Түүнийг Монгол улад төдийгүй  2016 оноос хойш Швейцар улсад мөн түүнийг шалгаж байгаа аж. 

Бид мэдээллийн дэлгэрэнгүйг удахгүй хүргэх болно.