Өнөөдөр эдийн засаг хүндэрсэнг  Монгол улсын дийлэнх иргэн мэдэрч, бүсээ чангалаад байгаа.  Улс орны эдийн засгийг элгээр нь мөлхүүлж байгаа энэ байдал хэзээ дуусах вэ гэдгийг хүн бүр мэдэхийг хүсэж байгаа.   Тэгвэл    Хөгжлийн сайд  Н.Батбаяр,  Сангийн сайд Ч. Улаан нар суудлаасаа буусан цагт, салбараа хариуцах чадвартай хүн сайдын суудалд суусан цагт  улс орны хөгжил жинхэнэ утгаараа  яригдана.

Өөрөөр хэлбэл Н.Алтанхуягын Засгийн газарт хариуцлагагүй үг, үйлдэл хэлдэг хийдэг сайд нар цөөнгүй байгаа.  Тухайлбал  Н.Батбаяр сайд “Гал өрдсөний үр дүнд  бонд авах боллоо” гэсэн агуулга бүхий хариуцлагагүй үг хэлж байсан. Ажлаа мэддэг хүн байсан бол  өөрийнхөө  шашин шүтлэгийг  ажилтайгаа огт хутгалдуулахгүй байх байлаа.  Яг ийм  жишээг  Н.Алтанхуягийн засгийн газрын 16 сайд толгой дараалан гаргасаа байгаа бөгөөд тэдний тэнэгийг  гайхаж байгаагаа  гадаадын сэтгүүлчид олон улсын хэвлэл мэдээллийн хэрэгсэлд  гаргаж байсан.

Засгийн газраас “Үнэ тогтворжуулах” хөтөлбөр хэрэгжүүлж эхэлсэн ч өнөөдөр махны үнэ нэмэгдсээр байгаа.  Энэ хөтөлбөрийн гайгаар өнөөдөр  төгрөгийн ханш унаж, ам доллар 1803 төгрөгт хүрээд байна.    Ингэж  амьдралд гай болж байхад үнэ тогтворжуулах хөтөлбөрийг үргэлжилүүлнэ гэвэл цаашид ам.долларын ханш өснө.  Өргөн хэрэглээний бараа бүтээгдэхүүний үнэ  аажмаар буюу  10-20 төгрөгөөр  нэмэгдсээр байх болно. Тэр цагт Н.Алтанхуяг  тэргүүтэй нөхдүүд  10-20 төгрөгийг үнэ нэмэгдсэнд тооцохгүй ээ.  50 болон түүнээс дээш төгрөгөөр нэмэгдсэн бол бид хариуцна  хэмээн  ярих болно.  Үнэ тогтворжуулах  хөтөлбөр үнэн хэрэгтээ хэн нэгний  халаасыг  түнтийлгэх  бодлого гэдгийг  учир мэдэх нэгэн нь ярьсаар байгаа.  Үнэн хэрэгтээ энэ бодлого нь эдийн засгийг өөрийнх нь дэг жаягаар явуулалгүй.  Харин  улс төрийн бодлого нэрээр популизм удирдаж шинэчлэл нэрээр бодлогын залгамж чанарыг алдагдуулсан бодлого юм.

Зөвхөн бондын мөнгөн дээр  Н.Алтанхуягын  засгийн газар ямар алдаа гаргаж байгааг  тодруулъя.  “Засгийн газрын үнэт цаас гаргахыг зөвшөөрөх тухай” УИХ-ын 2012 оны 52 дугаар тогтоол гарснаас хойш хөрөнгө оруулах төсөл хөтөлбөр нь бэлэн болоогүй байхад 1.5 тэрбум ам. долларын бонд босгож, үр ашиггүй зарцуулснаас Засгийн газар ард түмний татварын мөнгийг бондын хүү нэрээр салхинд хийсгэсээр байна. Ашиглаагүй бондын эх үүсвэрт буюу дансанд хадгалсныхаа төлөө Монгол Улсын Засгийн газар 120 гаруй тэрбум төгрөгийн хүүгийн алдагдал хүлээсэн. Энэ нь 120 гаруй иж бүрэн хэрэгсэлтэй цэцэрлэг барих хөрөнгө.  Бондыг анх авахад  ам.долларын ханш   1400 төгрөгтэй тэнцэж байсан.  Харин өнөөдөр  ам.доллар  1800 төгрөг боллоо.  Тэгэхээр  бид зөвхөн  ам.долларын ханшийн зөрүүнээс ихээхэн хэмжээний мөнгийг  гадагшаа алдаж байна гэж хэлж болно.

Тэгвэл гадагшаа алдаж байгаа энэхүү  их хэмжээний  мөнгө нь анхаасаа Монгол Улсын хууль, тогтоомжийг зөрчин төсвийн гадуур зарцуулагдаж байгаа. Тиймээс  "Чингис" болон "Самурай" бонд, Хөгжлийн банкны хөрөнгийн эх үүсвэрийг Төсвийн тухай хууль, Төсвийн тогтвортой байдлын тухай хуулийн зүйл заалтад нийцүүлэн Монгол Улсын нэгдсэн төсвийн бүрэлдэхүүн хэсэг болгох цаг үеийн шаардлага байгаа юм.   

Энэ мэтээр  Н.Алтанхуяг,  Ч.Улаан,  Н.Батбаяр нарын буруу үйлдэл, алдаатай бодлогын жишээ   нилээн хэдээр өрнөнө.  Энэхүү алдаатай бодлогын  дүнд  ард түмний  нуруун дахь ачаалал нэмэгдсээр байх болно.   

 Ард түмнийхээ амьдралыг бодоод одоо ухмасараараа сайдыхаа суудлаасаа буу!!!

Т.Энгүүн