Монголын анхны мэдээллийн сайт Sonin.mn нийгэм, улс төрийн нэгэн  сэдвээр ээлжит санал асуулгаа явууллаа.

Тодруулбал  бид Монголын улс төрийн хамгийн том хоёр нам буюу АН, МАН-ын дараагийн дарга хэн байхыг олон нийт хүсэж буйг тандахыг хүссэн юм.
Иймээс ч   "АН-ын дараагийн дарга хэн байх ёстой вэ? ?", "МАН-ын дараагийн дарга хэн байх ёстой вэ?" гэсэн хоёр асуултаар санал асуулгаа явуулав.


Санал асуулгад давхардаагүй тоогоор нийт  91 721  /Ерөн нэгэн мянга долоон зуун хорин нэгэн/  хүн оролцсон бөгөөд тэдгээрийн дийлэнхи нь Монгол улс, АНУ, Солонгос  улсын интернэт хэрэглэгч-Монголчууд маань байлаа.

""АН-ын дараагийн дарга хэн байх ёстой вэ?" гэх асуултанд  УИХ-ын гишүүн, МоАХ-ы дарга Х.Баттулга 27 хувь, Нийслэлийн Засаг дарга бөгөөд Улаанбаатар хотын захирагч, Нийслэлийн АН-ын дарга Э.Бат-Үүл 26 хувийн санал авч тэргүүлсэн бол УИХ-ын гишүүн, ЗГХЭГ-ийн дарга, сайд Ч.Сайханбилэг хамгийн бага буюу 6 хувийн санал авчээ.


Харин "МАН-ын дараагийн дарга хэн байх ёстой вэ?"  гэсэн асуултанд МАН-ын гишүүн У.Хүрэлсүх 28 хувь, УИХ дахь МАН-ын бүлгийн ахлагч С.Бямбацогт 13 хувь, МАН-ын гишүүн Ж.Сүхбаатар 13 хувийн санал авч тус тус тэргүүлсэн бол НАМЭХ-ы Ерөнхийлөнгч, МАН-ын бага хурлын гишүүн Ц.Цогзолмаа хамгийн бага буюу 4 хувийн санал авчээ.


Санал асуулгын дүнг бүрэн эхээр нь хүргэе.