Соёл, спорт, аялал жуулчлалын сайд Ц.Оюунгэрэлийг сүүлийн үед олон нийт ийнхүү нэрийдэх бол­сон. Үнэхээр ч сайд болсноосоо хойш “Батаар” гэхээс өөр зүйлийг дор­витой ярьж байсныг нь санахгүй бай­гаа учир тэр биз.

Монголоос хууль бусаар хил давуулсан соёлын үнэт өвийг эргүүлж авчирж байгаа нь хэдийгээр сайн үйлс мөн боловч хэтэрхий туйлширсных нь тэмдэг энэ биз. Тэрбээр туйлшраад сайд гэхээсээ илүүтэй палентлогич шиг л аяглах болсон нь нууц биш. Саяхан өөрийн цахим хуудастаа АНУ-ын талаас Батаарыг хүлээж авахаар явахдаа өмсөх хувцсаа урласан заг­вар зохион бүтээгчийг хүртэл алдар­шуулаад амжсан байсан гэж бай­гаа. Ер нь түүний хариуцсан сал­барынхан түүнд тийм ч ам сайтай бай­даггүй юм билээ. Тухайлбал, саяхан тэрбээр өөрийн нэрэмжит спорт өдөрлөг зохион байгуулсан нь багагүй шүүмжлэл дагуулсан. Аливаа үйл явдлын нээлт, хаалтын ёс­лолд л харагдах болсон тэрбээр агуул­га гэхээсээ илүүтэй хэлбэр хөөдөг нэгэн бололтой юм. Өөрөөр хэл­бэл, олон нийтэд харагдах талдаа илүү анхаардаг гэх үү дээ. Саяхан л гэхэд дахин боловсруулах хогийг юу гэж нэрлэх вэ гэсэн уралдаан зарлаж бай­сан санагдаж байна. Энэ бүхнийг хариуцаад хийчих хүн яаманд нь бай­даггүй дээ юу, олны анхаарлын төвд орох гэсэн дээ юу мэдэхгүй. Уг нь түүнийг дэлхийд нэртэй “Иэл”-ийн их сургуулийг төгссөн. Олны унших дуртай сайхан номын автор. Сайн үйлсийн аяны эзэн гэдгээр нь анх монголчууд мэддэг болсон. Ха­рин одоо танихаа больчихсон бололтой.

Р.Сарангоо