Хаа сайгүй зам засварын ажил эхэлж зарим газар автозамын түгжрэл хэрээс хэтэрч байгаа нь маргаангүй үнэн. ХАрин энэ зам засварын ажил өнөөдөр бус маргаашийн замын ачааллыг бууруулахад зарим талаараа хэрэгтэй л зүйл.

Үүний нэг жишээ бол Баянгол дүүргийн нутаг дэвсгэр Өргөө кинотеатрын урд хэсгийг дөрвөн зам болгохоор засварынхан өдөр шөнөгүй ажиллаж байна. Харин энэ бүхнийг ойлгох нэгэн байхад ойлгохгүй нэгэн ч байх аж. Өчигдөр 14 цаг 45 минутын үед нийтийн тээврийн Сансар-Хороолол чиглэлийн автобус, мөн хар өнгийн Лексус унасан "төрийн тусгай хамгаалалт"-ынх хэмээсэн жийп хоёр тус зам дээр хөдөлгөөний соёлгүй байдлыг олон түмэнд бүрэн харууллаа. Болсон явдлыг товч өгүүлбэл: Москва ресторанаас үргэлжилсэн замын түгжрэлээс мултарч Өргөөгийн буудал дээр ирсэн нийтийн тээвэр хорооллын эцэс рүү хөдлөхдөө 6789 УНР улсын дугаартай Лексусыг 2 дугаар эгнээнээс 3 дугаар эгнээ рүү шахаж орхиж. Харин омогтой залуу автобусыг хорооллын эцэст гүйцэж түрүүлэн машинаа автобусны өмнө хөндлөн зогсоогоод бууж ирэн элдэв үгээр хэлж байснаа хаалгыг нь "үнэмлэхээ" үзүүлэн онгойлгуулан орж жолоочыг гурвантаа алгадаад авлаа. Шартай жолооч ч бууж өгсөнгүй кабинаасаа бууж ирэн машиных  нь өмөн хөндлөн суучихаад "дайраад гар" гэсээр бараг л 30 аад минут түгжрэл дээр түгжрэл нэмэн "суулт" хийчих юм. Төрийн тусгай хамгаалалтын хэмээн үнэмлэхээ үзүүлсэн залуу, нийтийн тээврийн "мах" ачсан юм шиг давхидаг жолооч хоёрын энэхүү "шоу" автозамын ачааллыг нэмдэг нийгмийн нэгэн "шог" дүр зураг гэж хэлж болохоор. Үнэндээ хаа сайгүй бухимдсан жолооч нар ийнхүү бие биенээ зам дээр шахсанаас болж зам тээврийн осол, түгжрэл хаа сайгүй л үүсч байна даа