Монгол улсын Нөхөн үржихүйн эрүүл мэнд үндэсний хөтөлбөр, Эрүүл мэндийн сайдын 2013 оны 309 дүгээр тушаалын дагуу “Оюутны эрүүл мэндийг дэмжих сар”-ын ажлын хүрээнд оюутнуудад Нөхөн үржихүйн эрүүл мэндийн мэдлэг олгох сургалтыг Эрүүл мэндийн яамны Нийгмийн эрүүл мэндийн хэлтэс хариуцан зохион байгуулж эхэллээ.

Энэхүү сургалтыг Эрүүл мэндийн шинжлэх ухааны их сургууль, Нийслэлийн эрүүл мэндийн газар, Эх хүүхдийн эрүүл мэндийн үндэсний төв, Нийгмийн эрүүл мэндийн үндэсний төв, Монголын эх барих, эмэгтэйчүүдийн эмч нарын нийгэмлэг болон Мари стопс нөхөн үржихүйн эмнэлгийн эмч, мэргэжилтнүүдээс бүрдсэн 10 сургагч багш хамтран 5 баг болж, 25 их, дээд сургуулийн 5000 орчим оюутнуудад хийхээр төлөвлөж байна. Төлөвлөгөөний дагуу эхний сургалтыг энэ сарын 21,22-ны өдрүүдэд ШУТИС-ийн Нийгмийн технологийн сургуулийн биеийн тамирын тэнхимийн Спорт аялалын хичээлийн үеэр Тэрэлж дэх ШУТИС-ийн сургалтын бааз дээр зохион байгууллаа. 

 Уг арга хэмжээнд Механик инженерийн сургууль, Комьютер мэдээллийн сургууль, Уул уурхайн сургууль, Үйлдвэр дизайны сургуулийн 1, 2-р курсын 456 эрэгтэй оюутнууд оролцсноороо онцлог болсон бөгөөд тэднийг гурван баг болгон хувааж, нээлттэй ярилцсанд оюутнууд сэтгэл хангалуун байгаагаа илэрхийлж байсан юм.

alt

alt 

Мөн ШУТИС-ийн Нийгмийн технологийн сургуулийн биеийн тамирын тэнхимийн эрхлэгч Т.Баатарзориг хэлэхдээ, “Эрүүл мэндийн яамнаас санаачлан анх удаагаа оюутнуудын эрүүл мэндэд анхаарч, өргөн цар хүрээтэй ажил зохион байгуулж байгаад багш хүний хувьд маш их баяртай байна. Цаг үеэ олсон чухал арга хэмжээ болж байна. Өнөөдөр манай сургалтын бааз дээр дан эрэгтэй оюутнууд байгаа. Ирэх долоо хоногоос эмэгтэй оюутнуудын ээлж ирнэ. Тэр үед мөн энэ сургалтыг хийж өгөөрэй гэж хүсмээр байна” гэлээ. 

alt

alt

 

alt

alt

alt

alt