Монголын рок поп ертөнцийн түүхэнд хүчирхэгээр нэрээ тамгалж яваа "Никитон"-чууд зургадугаар сарын 29-нд төв цэнгэлдэх хүрээлэнд 25 жилийнхээ ойн баярыг тэмдэглэхээр товоо зарлаад байгаа билээ.

Тус хамтлагт ая зохиогч МУУГЗ Б.Батчулуун, даралтат хөгжимчин, хөгжмийн зохиолч МУСТА Б.Чинбат, гоцлол гитарчин СТА Д.Өлзий-Орших, аргил гитарчин, саксофонч Ц.Цогтбаяр, залуу бөмбөрчин Н.Билгүүн нарыг "НИКИТОН" хамтлагийнхан гэдгийг залуус андахгүй ээ.

Тэгвэл уг хамтлагийнхан 25 жилийн ойн баяртаа зориулан өөрсдийнхөө бодит амьдралаа харуулахаар 14 хоног хамтдаа амьдарч байгаа билээ. Боловсрол суваг телевизээр тэдний шоу үзэгчдийн хүртээл болж эхэллээ. Та бүхэндээ энэ удаад шоуны эхний бөгөөд хоёрдугаар дугаарыг хүргэж байна.