Шуурхай:Салхитын мөнгөний ордтой холбоотой шүүгч нарын урьдчилсан хэлэлцүүлэг эхэллээ
2020/02/21
Салхитын мөнгөний ордтой холбоотойгоор ШШҮХ, цагдаа, прокурор, шүүгч нарыг хахууль авсан хэргээр тус тусад нь шүүж байгаа билээ. Тэгвэл хахууль өгсөн хэргээр Ш.Мөнгөншагайг, “Салхитын мөнгөний орд”-ын гэх тодотголтой, уг ордын тусгай зөвшөөрлийн маргааныг хэлэлцэхдээ хэргийн оролцогчдоос хахууль авсан гэх үндэсэлээр нэр бүхий шүүгч нарыг шүүх хурал яг одоо ХУД-ийн эрүүгийн хэргийн анхан шатны шүүхэд болж байна. Энэ шүүх хурал нь гэм буруугийн биш урьдчилсан хэлэлцүүлэг юм.
Дээрх ордын тусгай зөвшөөрлийг эзэмшигчдийн маргааныг шийдвэрлэхдээ хээл хахууль авсан гэх үйлдэлд
- Улсын дээд шүүхийн Иргэний хэргийн танхимын шүүгч Г.Цагаанцоож,
- Улсын дээд шүүхийн Иргэний хэргийн танхимын шүүгч Ц.Амарсайхан,
- Улсын дээд шүүхийн Иргэний хэргийн танхимын шүүгч Д.Цолмон,
- Захиргааны хэргийн давж заалдах шатны шүүхийн шүүгч Э.Халиунбаяр,
- Сонгинохайрхан дүүргийн Иргэний хэргийн анхан шатны шүүхийн ерөнхий шүүгч
- Сонгинохайрхан дүүргийн Иргэний хэргийн анхан шатны шүүгч Б.Цолмонбаатар,
- Чингэлтэй дүүргийн Иргэний хэргийн анхан шатны шүүхийн ерөнхий шүүгч Б.Сайханцэцэг нарыг шүүх юм.
Мөн хахууль өгсөн үйлдэлд Б.Мөнгөншагай, Г.Жаргалан, зуучилсан үйлдэлд Хан-Уул дүүргийн Цагдаагийн I хэлтсийн Мөрдөн байцаах тасгийн даргаар ажиллаж байсан, хошууч Г.Алтан-Очир зэрэг хүнийг буруутган НПГ-аас Эрүүгийн хуулийн 22.4, 22.5-д зааснаар яллах дүгнэлт үйлдээд байгаа юм.
Уг хэрэгт холбогдсон ч хилийн чандад эмчилгээ хийлгэж байгаа УДШ-ийн шүүгч Ц.Амарсайханы болон садангийнхаа дүүгийн гуйснаар хуурамч дүгнэлт гаргасан ШШҮХ-гийн албан тушаалтны хахуулийн үйлдлийг тусгаарлан шийдвэрлүүлэхээр болсон юм.