Техникийн хяналтын үзлэгийг чирэгдэлгүй, чанартай зохион байгуулах зорилгоор “Баянгол” , “Сонгинохайрхан” , “Баянзүрх”-т байрлах техникийн хяналтын үзлэгийн төв өчигдөрөөс уртасгасан цагаар ажиллах болов. 

Мөн амралтын өдрүүдэд өдөр бүр өглөө 08⁰⁰  орой 20⁰⁰ цаг хүртэл уртасгасан цагаар ажиллуулахаар Зам тээврийн яамны харьяа Авто тээврийн үндэсний төвөөс шийдвэрлэв. Нэг өдөрт 50-300 тээврийн хэрэгсэл шинээр улсын дугаар авдаг. Өнөөдрийн байдлаар 560,000 тээврийн хэрэгсэл монгол улсад зорчиж байна. Нийслэлийн хэмжээнд байгаа 3 техникийн хяналтын үзлэгийн төв байдаг. Энэ нь 300,000 тээврийн хэрэгслийг оношилоход  хаанаа ч хүрдэггүй учир ийнхүү зохицуулалтыг хийж байгаа аж.  Суудлын автомашины 10,000 харин ачааны 15,000 төгрөгөөр оношилгоонд орж байна.