Өнгөрсөн хоногт улсын хэмжээнд коронавирусийн халдварын 1,321 тохиолдол бүртгэгджээ. Үүнээс 753 нь Улаанбаатарт бол 568 нь орон нутагт батлагдсан байна.

Уг халдварын улмаас 41-80 гаруй насны 17 иргэн нас баржээ. Нас баралтын зонхилох шалтгаан нь зүрх, судасны суурь өвчин коронавирусийн халдвартай хавсарсан байна. Ингэснээр нийт нас баралт 1,587-д хүрчээ.

Өнөөдрийн байдлаар халдварын улмаас 18,786 иргэн эмнэлэгт хэвтэн эмчлүүлж байгаагаас хүүхэд 3,162, жирэмсэн эх 1,233 байгаа бол гэрийн хяналтад 50,010 иргэн байна.

Эмнэлэгт эмчлүүлж буй иргэдийн биеийн байдлын хувьд хүндэвтэр 7,256, хүнд 2,230, маш хүнд оноштой  362 иргэн байгааг ЭМЯ-наас мэдээллээ.