О.Магнайгаар удирдуулсан ШӨХТГ –т сүүлийн үед олон янзын гомдол ирэх болсон бөгөөд үүний нэг болох дэлхийн брэнд бүгээгдэхүүний амт чанар, стандарт олон улс болон манай улсад харилцан адилгүй байдаг гэх гомдлууд удаа дараа иржээ.

Энэ гомдолуудын дагуу олон улсын брэнд бүхий бүтээгдэхүүн нийлүүлдэг компаниудад хяналт тавихаар болсон байна. Энэ бүтээгдэхүүний нэг болох “МСS” компанийн “Соса соlа” ундаанд ШӨХТГ-аас хяналт тавихаар болжээ. Уг нь өнгөрсөн арваннэгдүгээр сард  “МСS” компанид иргэдээс ирж буй зарим нэг санал гомдлыг хүргүүлж байсан аж. Харин одоо энэхүү санал хүсэлтийн хэрэгжилтийг  шалгах болжээ.

Тус компани нь иргэдээс ирсэн шаардлагыг хэрэгжүүлээгүй тохиолдолд хугацаат албан шаардлага хүргүүлэх аж. Энэ асуудлаар ШӨХТГ-аас маргааш 11.00 цагт хэвлэлийн бага хурал хихээр болжээ.

С.Баяр