Талхны үнэ 1000 төгрөг болсон нь Үйлдвэр, хөдөө аж ахуйн сайд асан Х.Баттулгатай хамгийн их холбоотой болж таарлаа.

Түүний хувьд ажлаа хариуцаж чадахгүй учир сайдын суудлаасаа буусан уу гэдэг асуудал үүсэх болсон юм. Х.Баттулгын хувьд Үйлдвэр, хөдөө аж ахуйн сайдаасаа огцрохынхоо өмнө “Би хариуцлагаа үүрнэ” хэмээн мэдэгдсэн нь мартагдаагүй, харин ч улам илүү шаардах зүйл болчихлоо. Тэгэхээр иргэдийн өргөн хэрэглээний гол бүтээгдэхүүн болох талхны үнэ өссөн учир Х.Баттулга хариуцлага үүрэх ёстой бус уу. 

Өнгөрсөн нэгдүгээр сарын 16-ны өдрийн чуулганы хуралдаанаар Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслийг хэлэлцэж, баталсан юм. Өөрөөр хэлбэл, ОХУ-аас 100 мянган тонн улаан буудай инпортоор оруулж ирэхэд Гааль болон НӨАТ-аас чөлөөлөхөөр болсон. Үйлдвэр, хөдөө аж ажуйн сайдаар ажиллаж байсан Х.Баттулгын хувьд “Улаан буудайн нөөцийг нэмэгдүүлэхийн тулд Гаалийн татвар, НӨАТ-аас чөлөөлүүлэх хуулийн төслийг батлахгүй бол болохгүй” гэсээр гишүүдийн дэмжлэгийг авсан. Ингэснээр гурилын үнэ тогтвортой байж, түүгээр бүтээгдэхүүн болж гардаг талхны үнэнд асуудал үүсэхгүй нь гэж харж байсан. Гэтэл өнөөдөр талхных нь үнэ огцом өсч, 1000 төгрөгт хүрсэн учир Х.Баттулгаас хариуцлага нэхэх нь зүйтэй биз. 

Үйлдвэр, хөдөө аж ахуйн яам, Монголбанкны хооронд “Гурилын үнийг тогтворжуулах” хөтөлбөр байгуулсан. Энэ хүрээнд Монголбанкнаас 61 тэрбум төгрөгийн зээлийг авсан ч өдөр ирэх тусам гурилын килограмм тутмын үнэ нэмэгдсэн нь сүүлийн хоёр жилд болсон бодит зүйл. Уг нь “Атарын III” аяныг өмнөх хоёр Засгийн газрын бүрэн эрхийг хугацаанд дэвшүүлж, Монгол Улс гадаадаас улаан буудай импортлох биш харин дотоодынхоо хэрэгцээг бүрэн хангаад экспортлогч орон болсон. Гэтэл гаднаас улаан буудай импортлон авахаар болоход гишүүдийн зүгээс “Хүрсэн түвшинөөсөө ухарчихлаа. 2013 оны ургац хураалтын дүнгээр нийт 369,8 мянган тонн улаан буудай хурааж авсан. 2012 оныхтой харьцуулахад 95,4 мянган тонноор хураалтын дүн багасчихлаа” гэдэг шүүмжлэлийг тавьсан. 
 

Үргэлжлэлийг энд дарж уншина уу