ДОХ хэмээх аймшигт өвчний анхны тээгч бүртгэгдсэн өдрөөс хойш өдгөө 21 жил өнгөрсөн ч бараан айдас хэвээр байгаа юм. Жил бүр халдвар тээгчийн тоо нэмэгдэж, залуужиж байгаа нь сэтгэл зовоосоор ирсэн.

Түүнчлэн уг өвчнөөр өвчлөгсөд хөдөө орон нутагт бүртгэгдэх болсон нь улс даяар халдвар тархсаныг илтгэнэ. Өнгөрсөн долоо хоногт аюулт өвчний 142 дахь тохиолдол бүртгэгдэж айдас дагуулсан. Тэгвэл энэ долоо хоногт ХДХВ, ДОХ-ын шинэ тохиолдол буюу 143 дахь халдвар тээгч бүртгэгдээд байна. Долоо хоног тутам халдвар тээгч бүртгэгдэж байгаа нь нийгэм, олон нийтийг цочроож айдас хүйдэс дагуулж байна.

             Сүүлийн халдвар тээгч өөрийн хүсэлтээр шинжилгээ өгсөн бөгөөд 25-29 насны эмэгтэй хүн байгаа аж. Одоогоор өвчтний биеийн байдал хэвийн байгаа гэнэ.