А.Сарнай БНХАУ-д зохиогдсон 60 дахь удаагийн “Дэлхийн мисс” тэмцээнд Монгол улсаа төлөөлөн оролцсон билээ. 1987 онд төрсөн тэрээр дэлхийн 115 орноос оролцсон охид бүсгүйчүүдийн дунд өөрийн өнгө төрх, авъяас билгээрээ ялгаран шилдэг 25-д орсон амжилтыг үзүүлж байсан.

Манай улсаас энэ тэмцээнд зургаа дахь удаагаа оролцож байгаа ч, ийм хэмжээний амжилтыг үзүүлж байгаагүй билээ. А.Сарнай “Монголын сайхан бүсгүй-2004” тэмцээний Алтан эрдэнийн өргөмжлөлт, “Эх дэлхийн мисс” тэмцээнд 100 гаруй орны бүсгүйчүүдтэй өрсөлдөж, шилдэг 20-т багтаж, улмаар 2008 оны “Дэлхийн оюутан мисс”-ээр шалгарч байсан бүсгүй. 


Нийт 115 сайхан бүсгүйгээс тэрээр Парагвай, Нидерланд, Канад, Франц, Колумб, ОХУ, Тайланд, Өмнөд Африк, Шотланд, Венесуэл, Намиб, Итали, АНУ, Герман, БНХАУ зэрэг 25 орны бүсгүйтэй тунан үлдэж байсан юм.