Сангийн сайд байхдаа талхны үнийг мэдэлгүй 300 төгрөг гэж хэлээд  өөрийн нэрэндээ сэв суулгасан “Хас”-ын  Ч.Ганхуяг улс төрөөс нэг хэсэгтээ л завсарлага авсан.  Тэрбээр сүүлийн үед улс төрд эргэн ирэх бодолтой байгаа бололтой.  Өөрийн цахим хуудсандаа “Зиак, дахиад нэг оролдоно доо: намайг улстерд оруулсан хvний хамт.” Гэсэн тайлбар бүхий энэхүү зургийг байршуулжээ.

Түүний энэ үйлдлийг буруутгасан сэтгэгдэлд экс Сангийн сайд: “Ардын Намд би итгэл үнэмшлээрээ орсон болохоос юм горьдож, албан тушаал эрх мэдлийн төлөө яваагүй ээ. Хэн нэгэнд өртэй гэж бас л бодохгүй байна. Энэ бол факт. Зөвлөх бол гэхэд нь тэгье гэсэн. Дэд сайд бол гэхэд нь за гэсэн. Надад итгээд ажил үүрүүлсэн байх. Би ч ажил амьдралаа арагш тавьж байгаад явсан. Алдсан оносныг та бүгд мэднэ. Алдсан бүхэндээ би хүлцэл өчье. Гэхдээ ялагдлаа гээд би зүсээ хувиргахгүй ээ. Горьдсоны ч гарз. Харин ч өөрийн хийж чадаагүй зүйлсээ гүйцэлдүүлэхийн төлөө явна. Өөрчлөлтийг энэ улсдаа авчрахын төлөө зүтгэнэ. Эерэг өөрчлөлт. Энэ нь сэтгэлээс эхлээд, оюунд очиж, баялаг болон хувирна гэдэгт би итгэдэг.” Хэмээн хариулсан байна.

Улс төрд эргэн ирэх эсэхийг нь харж л сууя даа.

П.Төгөлдөр