“Тэнгри Холдинг”-ийн захирал Х.Анхбаярын оффшор данс илэрчээ. Түүний үүсгэн байгуулж, удирдаж байсан “Тэнгри групп” нь ашигт малтмалын 45 лиценз худалдаж авсан бөгөөд нэлээд хэсгийг Карибын арлууд дахь оффшор банкнаас оруулж ирсэн 12 тэрбум төгрөгөөрөө авсан нь тогтоогдсон аж. Мөн улсад 3,6 тэрбум төгрөгийн татвар төлөхөөс зайлсхийсэн бөгөөд тендэрт орохдоо бусдад авлига өгсөн байжээ.

Тиймээс түүнийг 2014 оноос эхлэн Төв аймгийн хориход саатуулан шалгаж эхэлсэн байдаг тэрбээр тухайн үед хоригдож байх үедээ Ерөнхийлөгчид захидалд бичиж байсан, захидалдаа “Миний бие Хүрлээгийн Анхбаяр 1990 оноос эхлэн аялал жуулчлал, спорт ан агнуурын салбарт тасралтгүй 20 гаруй жилийн турш бүхий л сэтгэл зүрхээ зориулан зүтгэж ирсэн жирийн л нэг бизнесмэн. Энэ хугацаанд буюу 1993 оноос “Жуулчин" хувьцаат компанийн спорт ан агнуур болон Хойд Америк дахь зах зээлийг хариуцсан менежерээр, дараа нь Баруун Европ хариуцсан аялал жуулчлалын суурин төлөөлөгчөөр томилогдож, 1997-2007 он хүртэл ХБНГУ-ын Берлин хотноо ажилласан юм. Аялал жуулчлал, спорт ан агнуурын салбарт ажиллах хугацаандаа ойролцоогоор10 гаруй мянган гадаадын жуулчин, 900 орчим гадаадын анчдыг Монгол Улсдаа аялуулж, ойролцоогоор 25 орчим сая ам.долларын борлуулалтыг хийж, эх орныхоо эдийн засагт чадлынхаа хэрээр хувь нэмрээ оруулсан гэж боддог” гэсэн байв.

Карибын арлуудад оффшор бүсэд бүртгэлтэй “Hundred Tress” компанийн хувьцаа эзэмшдэг түүнийг Карибийн тэнгисийн оффшор бүсээс 12 сая ам.доллар оруулж ирж, мөнгө угаасан хэргээр шалган шүүхээс 3,6 жилийн ял оноосон билээ. Эх ороныхоо эдийн засагт хувь нэмрээ оруулахын төлөө бизнес хийдэг хүн оффшорт мөнгөө нуудаг байж болох уу.

Хамгийн гол нь тэрбээр энэ долоо хоногт дэлхий нийтээр нээлттэй болсон оффшор бүсийн мэдээллээр Монгол улсаас хамгийн их мөнгийг оффшорт хадгалсан хүнээр тодроод байна. Гэхдээ түүний энэ мөнгөний нэлээд хэсэг нь Н.Энхбаярынх байж болзошгүй гэх мэдээлэл байгаа юм. Өөрөөр хэлбэл бусдын нэрээр оффшор нээж, өөрийгөө хамгаалж үлдэх башир арга хэргэлдэг сүйхээтэй Улстөрчдийн нэг нь Н.Энхбаяр гэнэ.

Н.Ганаа

үргэлжлэл бий. ..

 

  • 2

  • 3

  • 4