“ТҮЦ”-үүдийг нүүлгэж байгааг иргэд нэлээд бухимдалтай хүлээн авч байгаа. Гэтэл үүнтэй тэмцэх аргаа нарийсгаж урьд шөнө 00.10 минутанд шөнийн цагаар ачиж байгаатай таарсан юм. Сүхбаатарын талбай урд Санктпербург автобусны буудлын ТҮЦ-ыг ачиж үүнээс болоод маргалдаж зураг авч байгааг харсанаар дуу намжсан юм.

Уг нь хотын өнгө үзэмж гэж нэгдсэн журмаар 2014 онд өмнөх хотын удирдлагуудын гаргасан тогтоолын дагуу шинэчилсэн загварын ТҮЦ-үүдийг зээлээр албадан өгсөн. Тус ТҮЦ-ны өртөг зургаан сая төгрөг. Гэтэл ТҮЦ-ны өр төлбөр дуусаагүй байхад 20 сая төгрөгний ТҮЦ өгөх гэж байгаа нь хэний бизнесийг дэмжиж ингэтлээ улайрна вэ. Үйл ажиллагааг нь “дахин” зогсоож, өмнөх зээл дуусаагүй байгааг анхааралдаа авна уу. Хамгийн гол нь хохирлыг нь хэн барагдуулах юм бэ?

Хотын удирдлагууд шийдвэрээ эргэн харж, их хямралын үеэр хэн нэгний бизнесийг дэмжиж ард иргэдийн нуруун дээр дахин өр төлбөрийн дарамт учруулж байгааг бодолцож үзэх шаардлагатай байна. Амьдралаа залгуулах ажлын байрыг нь үгүй хийж байгааг эргэн нэг хараач. Угаас иргэдийн амьдрал хүнд байна, өрнөөс өрний хооронд амьдарч байна.

ТҮЦ-үүдийг ачих ажил өдөр биш шөнийн цагаар ачиж байна. Үүнээс болж нийслэлийн газрын албаны ажилчид болон ТҮЦ эрхлэгчдийн хооронд тэмцэл өрнөж байлаа. Өмнө нь ТҮЦ ачих асуудлаас болж нэгэн эмэгтэй ухаан алдсан мэдээ бид үзсэн. Иймээс асуудал хүндэрч муу мэдээ гарахаас сэргийлж шийдвэрээ эргэн харж иргэдийг дэмжсэн тушаал, шийдвэр гаргана уу.

 

Хотын дарга С.Батболд ТҮЦ эрхлэгчдийн хүсэлтийг эргэн нэг харна уу.

 

М.Буян