Захидал хүрэх өдрийн мэнд. Би бас л нэг ганц бие ээж. Хүү маань гараас гарч, бараг биеэ даасан. Одооны ихэнхи хүмүүсийн л адил хүүгийнхээ ааваас салаад олон жил ганцаараа бүхнийг болгох гээд явж байна. Нөхрөөсөө хойш 2 залуутай үерхлээ. Эхний залуу үерхэж байхдаа өөр хүнтэй суух гэж байгаа гээд, дараагийнх нь бас экстэйгээ суугаад тэгээд үлгэр дууссан даа

Тэгсэн мөртлөө одоо 2-лаа дандаа ярьдаг. Сүүлийн нэг жил нэг залуутай мэссэжлэв. Эхнэрээсээ салсан, ажил ихтэй, хөдөө их явдаг, үнэндээ хэдхэн удаа зүгээр уулзсан. Товчхондоо таалагдсан. Даанч хамгийн сүүлд уулзахдаа найзтайгаа халамцуу ирээд, манайд орно гээд. Би үдэш орой согтуу хүн гэртээ оруулахгүй гэсэн чинь маргалдаад, дахиж ирэхгүй гээд яваад өглөө. Би хэд хоногийн дараа найзынх нь хажууд эвгүй зан гаргасандаа уучлал гуйж мэссэж бисэн. Өөрөө бас уучлаарай гэсэн. Тэрнээ хойш сураггүй.

Өдөр бүр мэссэж бичдэг хүн таг. Би үнэндээ жаахан дассан байх. Өдий наслачаад юу гээд байгаа юм бэ гэж битгий загнаарай. Уг нь хэд уулзаад гайгүй сайн ойлголцсон гэж бодсон юмсан. Хүнийг мэдээж мэссэж, хэдхэн уулзалтаар дүгнэж болохгүй. Би юу зөвлөлдөх гээд байна вэ гэвэл би арай ширүүдэв үү? Намайг энэ угаасаа ойртуулахгүй хүн байна гээд ойлгочив уу?

cekc.mn