Ерөнхий сайд асан М.Энхболд МАН-ын дарга болмогцоо : "Би АН-тай хамтарсан Засгийн Газар байгуулна. МАХН-ыг газрын хөрснөөс арчина" хэмээн хэлсэн тухай хэвлэлүүд бичиж байсан.
Үүнийгээ ч хэрэгжүүлж  эхэлж буй мэт тэрээр улс төрийн бүх намын дарга нарыг хүлээн авч, "Үндэсний зөвшилцөл" нэртэй арга хэмжээг зохион байгуулсан билээ.
Тэгвэл түүнийг АН-тай бус МАХН, МҮАН-ын "Шударга ёс" эвсэлтэй хамтарч УИХ дахь шинэ олонхийг бүрдүүлж, Засгийн газар байгуулж магадгүй тухай улс төрийн хүрээнд ярих болжээ.


Бүр тодруулбал улс төрийн хүрээнд Д.Дорлигжавын хүн гэгддэг, АН-ын ёс зүйн хорооны дарга асан Д.Бямбаа : "М.Энхболд, Н.Энхбаяр, М.Энхсайхан нар хуйвалдаж, Засгийн газар байгуулах гэж байна. Чингэхдээ 50*50 гэсэн харьцаагаар засгаа хуваана. Үүний тулд Р.Амаржаргалыг УИХ-ын гишүүнээс татуулж байна. МАН, МАХН, МҮАН-ын "Шударга ёс" эвсэл хамтарч олонхийг бүрдүүлэх гэж байна" гэх зэргээр хэвлэлд өгсөн ярилцлагадаа дурьдсан байна.
АН бол УИХ-ын сонгуульд ялалт байгуулсан хууль ёсны олонхи биш тул энэ таамаглал онолын хувьд магадлалтай.
Харин энэ яриа бол зүгээр л хагас галзуучуудын хардлага, дэмийрэл гэж үл тоох улс төрчид ч байгаа юм.

Э.Мягмар