Үе үеийн залууст хэмнэлийг мэдрүүлж, цөсийг нь хөөргөдөг амьд хөгжмийн хамтлагуудын залгамж халаа болон гарч ирж буй “Аадар” хамтлаг анхны цомгоо өлгийдөн авчээ. Тэд цомгийн баяраа аравдугаар сарын 21-ний 20:00 цагт фенүүдтэйгээ хамт тэмдэглэхээр бэлтгэл ажилдаа ороод байгаа аж. Энэ үдэш “Аадар”-ынхан “Дүрэлзэн ас”, “Хачин дурлал”, “Би чамд хайртай” зэрэг сонсогчдод хүрсэн дуунуудаасаа гадна цоо шинэ бүтээлүүдээс бүрдсэн тоглолтоороо Hard Rock Cafe-ийн жаврыг үргээх нь ээ.

Түүнчлэн цомгийн баярт "Чоно", "Шанз 3" хамтлаг, дуучин Ц.Хулан нар ирж, ая дуугаа өргөх бөгөөд ирсэн хүн бүрт “Аадар” цомгийг бэлэглэх аж. Тасалбар болон тоглолтын талаар бусад дэлгэрэнгүй мэдээллийг Аадар хамтлагийн албан ёсны facebook(www.facebook.com/aadarhamtlag ) хуудсаар авах боломжтой юм байна.