УИХ-ын гишүүн Д.Муратын нэр төр, алдар хүндийг гутаасан хэргийг өөрийнх нь гаргасан өргөдлийн дагуу хянан шалгаж байгаа ажээ. Тэгвэл энэ талаар ЦЕГ-ын хэвлэл мэдээллийн төвийн мэргэжилтэн, цагдаагийн ахлах дэслэгч М.Мөнхшүр "Одоогийн байдлаар УИХ-ын гишүүн Д.Мурат цагдаагийн байгууллагад өөрөө хандан “Иргэн Б гэх хүн надаас их хэмжээний мөнгө нэхэж байна” гэсэн утга бүхий асуудлаар гомдол гаргасан байгаа. Д.Мурат гишүүний гаргасан гомдлыг цагдаагийн байгууллага хүлээн авч хэрэг бүртгэлт нээн Эрүүгийн цагдаагийн албанаас шалгаж байна. Хэрэг хууль хяналтын байгууллагаар шалгагдаж буюу гэм буруу нь тогтоогдоогүй байхад хэн нэгний нэр төрд халдах асуудал нь хуулийн хариуцлага хүлээдэг. Өөрөөр хэлбэл шүүхээр гэм буруутай нь тогтоогдоогүй байхад энэ тухай үнэнд нийцэхгүй мэдээлэл  тараахгүй байхыг Цагдаагийн ерөнхий газраас зөвлөж байна" гэлээ.

УИХ-ын гишүүн  Д.Мурат цагдаагийн байгууллагад өнгөрсөн оны 11-р сарын 24-ны өдөр өөрөө гомдол гаргасан юм байна. Түүний гомдлын дагуу Эрүүгийн хуулийн арван долдугаар зүйлийн 17.6.1–д зааснаар эрүүгийн хэрэг үүсгэжээ. Уг зүйл ангид “Бусдын эд хөрөнгө, эдийн, эдийн бус хөрөнгөө шилжүүлэн өгөхийг шаардаж, өөрт, түүний ойр дотны хүнд хүч хэрэглэсэн, хүч хэрэглэхээр заналхийлсэн, эрх, хууль ёсны ашиг сонирхолд нь ноцтой хор уршиг учруулж болохуйц баримт, мэдээлэл тараахаар сүрдүүлсэн бол 10000 нэгжээс дөчин мянган нэгжтэй тэнцэх хэмжээний төгрөгөөр торгох, эсхүл 2-8 жилийн хорих ял шийтгэнэ” гэж заасан байдаг.

Мөн зөрчлийн тухай хуулийн зургаадугаар зүйлийн 6.21 дүгээр зүйлд “Хүний нэр төр, алдар хүнд, хуулийн этгээдийн ажил хэргийн нэр хүндийг гутаан доромжилсон худал мэдээллийг нийтэд дэлгэсэн, эсхүл мэдээллийн хэрэгсэл, нийтийн сүлжээгээр тараасан бол хүнийг хоёр мянган нэгжтэй тэнцэх хэмжээний төгрөгөөр, хуулийн этгээдийг хорин мянган нэгжтэй тэнцэх хэмжээний төгрөгөөр торгоно”- гэж заасан юм.

Хохирогч гэх Б.Бахытгүл шалгагдаж байгаа гэнэ: