"Vanquish" хамтлагийн уран бүтээлээрээ анх олны танил болсон реппер Цэцэнбилэг буюу Цэцэ бие даан уран бүтээл туурвиж байгаа билээ.

Нэг хэсэг BIG GEE -тэй үг сөргөлдөн уран бүтээлээрээ дайтаж байсан ч энэ хоёр залуу эцэст нь эвлэрч нэгэн тайзнаа гарсан нь саяхан. Үе үехэн час хийсэн уран бүтээл гаргадаг тэрбээр саяхан нүүр номондоо өөрийгөө цаг хугацаагаар аялагч хэмээн хөгжилтэй пост оруулжээ. Учир нь 1952 оны зураг дээрх нэгэн эрхэм түүнтэй тун адилхан харагдаж байж. 

Тэрбээр оруулсан зурагтаа "Цаг хугацаагаар аялаад л ... 1952 онд Тээврийн яамны сайд байсан Ядамсүрэн гэдэг мундаг хүн гэнэ" хэмээн бичжээ. Харин энэ зургийг харсан хүмүүс түүнтэй үнэхээр төстэй байгааг хэлж байв.