Монголчууд олон жил улс төрийн гуравдагч хүчнийг горьдсон боловч талаар боллоо. Эрэлийн Эрдэнэбатын Эх орон нам, буян Жаргалсайханы БНН, Гүндалайн Ард түмнээ хайрлая нам, Ж.Батзандан О.Магнай нарын ИХнам, Дангаасүрэн Энхбатын Ногоон нам, ИЗНН бүгд олны итгэлийг аван гүн усанд живж одлоо.

Хамгийн сүүлд гарч ирсэн ганц найдвар нь ХҮН нам байлаа. Олны итгэлийг хамгийн их хүлээж, өндөр рэйтингтэй улс төрч С.Ганбаатар энэ намд цэвэр, авлигын сүлжээнд ороогүй олон шинэ залуусыг нэгтгэсэн нь олны талархал, дэмжлэгийг хүлээж байв. Гэтэл Монголын намууд дотроо алалцдагийн адилаар ХҮН нам дотроо хямарч, хагаралдаж эхэлсэн нь олны гайхшрал, харамслыг төрүүлэв.

Намын гишүүдийн дотроо ярилцаж байгаагаар энэ нь холоос шидсэн чулуу гэдгийг одоо дарга цэрэггүй одоо л ойлгож байгаа аж. Энэ чулууны эзэн С.Баярцогт гэнэ. С.Баярцогт санаатайгаар анхнаас өөрсдийн маш дотно харилцаатай Н.Одонгуа гэх бүсгүйг намын Удирдах зөвлөлд шургалуулж, хамаг мэдээлэл, тактикийг нь шууд ширээн дээрээ байнга авдаг, чиг үүрэг даалгавар өгч ажиллуулдаг байсан байна. ХҮН намын хагарлын захиалагч нь АН-ын энэ эрхэм бөгөөд Одонгуа нь даалгаврын дагуу зальдахыг нь зальдаж, наалинхайтахдаа наалинхайтаж, загнахыг нь загнаж, ёстой л эм хүний есөн шидийг бүгдийг үзүүлж, хагалан бутаргах, намыг сонгуульд оруулахгүй байх үүргээ амжилттай гүйцэтгэж байгаа нь олны нүдэнд илт. Бүр цаашлаад намын ажлыг гацааж, итгэлийг саармагжуулахын тулд намын үүр хороодод очих санхүүжилтийг ч гацааж, ажлыг уях болсон нь олон гишүүдийн дургүйцлийг өдөөх болжээ.

Нэмэхээгийн Одонгуа гэгч хэн бэ?

Сувилахуйн сургуулийн захирал, дуулиан шуугиантай болсон тэрээр өөрийг нь хүлээн зөвшөөрөхгүй багш, ажилчдынхаа бухимдалыг дарж чадалгүй сууж байтал 10-аад минутын дотор л тухайн үеийн Ерөнхий Сайд Н.Алтанхуяг өөрийн биеэр хурлын танхимд нь заларсан гэдэг.

Багагүй хугацаанд сургуулиа хаяж завсарлаж явсаны дээр анагаахад сурч байхдаа сурлага сайнгүй байсан тэрээр БНСУ-ын Ёнсей их сургуульд өөрийн чадал, чадвараар явж чадсан болов уу эсвэл ар өврийн хаалгаар явсан байж таарах уу бодох л асуудал. Салбарынханых нь жиг жуг гэлцдэг яриа ч оргүй худал биш байх.

Одонгуаг оюутан байхаас нь л одоогийн УИХ-ын гишүүн С.Баярцогт ивээн тэтгэдэг гэлцэн тухайн үед хамт сурч байсан нөхөд нь хэлдэг гэнэ. Түүгээр ч зогсохгүй монголоос очсон өвчтөнүүдэд орчуулагч л хийж явсан болохоос өөрийнх нь яриад байгаа шиг БНСУ-ын эмнэлэгт эмчээр ажиллаж, туршлагажаагүй аж. Тийм боломж ч байдаггүй.

Одонгуагийн арга заль, явуулгад автан даган хөөрч бууны нохой болж, гишүүдийн тархийг угаах дүрд тоглож, өөрийгөө булшилж байгаа Бат-Оргил Боргил нар хөөрхий. АН-аас тавьсан хорлон сүйтгэгчийг илрүүлж устгахын оронд ганц олон танигдсан Ганбаатартайгаа зууралдан тэнэглэх Доржханд, Найдалаа нар, Баярцогтын тоглоом болж шатаж явагаагаа мэдэхгүй Алтан дорнодын Ганболд нар бас хөөрхий. Үүнээс илүү хөөрхийлэлтэй нь Монголоо аврана гэх сэтгэлээр нэгдэж хамаг юмаа зориулж байгаа намын гишүүд Баярцогт, Одонгуа нарын шоглоом болж байгаа явдал.

Энэ нам цаашаа амжилттай сонгуульд ороё гэвэл намыг сонгуульд оруулахгүй гэсэн даалгавартай, дараа нь захиалагчдаасаа хүртэх шан харамжаа хүлээх Одонгуа гэх бусниулагчаасаа хурдан салах нь зайлшгүй болж таарна. Ийнхүү С.Ганбаатарын хэлдэг том бүлэглэл гэдэг нь ор хөнжлийн харилцаатай маш том бүлэглэл болж таарч байгаа нь өнөөгийн Монгол улсын бас нэгэн ӨВЧИН юм.

Эх сурвалж: Намбус.мн