Сүүлийн өдрүүдэд интернэт сайтуудаар усан живсэн сири хүүгийн зураг олны хүний харууслыг ихээр төрүүлж байгаа билээ. Дайны байдалтай Сири улсаас дүрвэгсэд олон янзын аргаар гадаадын бусад улс орон рүү дүрвэн гарч байгаа юм.

Харин тэдний зам тийм ч амар биш байгаа нь усанд осолдсон бяцхан хүүгийн ганц жишээгээр харж болно. Тэгвэл энэ явдал мартагдаагүй байхад дахин 80 гаруй хүүхэд усанд живсэн байдалтайгаар Ливийн ойролцоох нутаг буюу Газар дундын тэнгисийн эрэг орчмоос олджээ. Тэдгээр хүүхдүүд Сири улсаас дүрвэн Европын орнуудыг зорьж байсан болов уу хэмээн холбогдох албаныхан таамаглаж байгаа юм.