Сүүлийн үед жүжиглэхээсээ илүү хүмүүнлэгийн төсөл хэрэгжүүлж нийгмийн салбарт ажиллах болсон Г.Ундармааг танихгүй хүн үгүй. Тэрбээр тайзны уран бүтээлээсээ чөлөө авч дэлгэцийн бүтээлд хүч үзэж яваа. 

"Single ladies", "Тю тю" зэрэг киногоо үзэгчдийн хүртээл болгож чамгүй өндөр үнэлгээг авсан. Тэгвэл өдгөө "Single ladies"-2 бүтээлээ толилуулахаар ажиллаж байгаа гэнэ. Эмэгтэйчүүдийн дуу хоолой болж, нийгэмд байдаг ч гэлээ эл болоод байдаггүй сэдвийг сонгон бүтээлээ амилуулдаг. 

Олноо хөөрхөн хэмээгддэг тэрбээр шинэ кинондоо зориулан 10 хоногийн дотор 7 кг жин хаясан гэнэ шүү. Энэ тухайгаа "Манай толь арай л сунгаж харагдуулдын. Гэхдээ кинондоо зориулж 10 хоногт 7 кг хассан даа" хэмээв. 

Түүний турсан жор “Орой 19.00 цагаас хоол идэхгүй. Ус баг багаар сайн ууна. Цагаан будаа гурилнаас аль болох татгалзах. Нэг дор их идэхгүй. Хоолоо маш сайн зажилж идвэл хурдан боловсрохоос гадна шингэлж өгч байна гэсэн үг. Хөргөгчинд амттан байхгүй  тараг ногоо жимс мах байх. Мөн бүхэл үрийн талх байж болно. Одоо бол шинэ ургацын ногоо хямдхан байгаа учраас бүсгүйчүүдэд турах боломж бүр их байна гэсэн үг. Турна гэдэг цэвэр хоолных байдаг юм байна лээ. Бие хөнгөрөөд урамтай шүү”.

О.Ариун