УИХ-ын гишүүн Х.Тэмүүжин хэвлэлд ярилцлага өгсөн нь олны анхаарлыг татах болов. Тэрбээр ярихдаа "АН дотор байгаа арай дөнгүүр гэсэн болгоныг онилж байгаад компаничлан хэвлэлээр балбасан. Мүүн гэж байгаад Лу.Гантөмөрийг балбалаа. Тагнуул гэж байгаад М.Батчимэгийг балбалаа. Энэ бүгд ардаа ганцхан эзэнтэй байгаад л харамсаж байна.... "Чи миний хүмүүсийг халлаа" гээд цаас бариад орж ирсэн хүн бол Женко. Тэдэн дотор нь өнөөдөр өөрийнх нь үзэн ядаад байгаа Р.Чингис байсан, "Энэ миний хүн" гээд зааж байсан. Би ганц л үг хэлсэн. 2012 онд бид нэг амлалт өгсөн. Цагдаагийн байгууллага аль нэг эдийн засгийн бүлэглэл, улстөрч, тэр тусмаа рецедив гэмт хэрэгтнүүдийн гар хөл байж болохгүй. Тиймээс бид энэ шинэтгэлийг дэмжих боломжтой хүмүүсээ томилно гэж..." гэх мэтчилэнгээр олон зүйлийг өгүүлсэн байна.

Харин түүний энэ ярилцлагын хариуд сэтгүүлч Л.Мөнхбаясгалан "Тэмүүжээн, чамд би нэг үнэнийг 2 жилийн өмнө хэлсэн. Одоо дахиад хэлье. "Тэмүүжээн чи хэзээ ч Чингис болохгүй" хэмээн өөрийн фэйбүүк хуудсандаа бичиж, Х.Тэмүүжингийн ярилцлагыг шэйрлэсэн байна. Л.Мөнхбаясгалангийн энэ үйлдлийг харсан хүмүүс "Женког өмөөрөөд сүйд" гэцгээж байгаа юм.

С.Баяр

Эх сурвалж: Breakingnews.mn