Сүхбаатар дүүргийн VI хорооны нутаг дэвсгэрт байрлах 14 дүгээр цэцэрлэг 2016-2017 оны хичээлийн шинэ жилийн бэлтгэлээ хангаж, бяцхан шавь нараа хүлээн авахад бэлэн болжээ. Тус цэцэрлэгийн гадна талбайг Сүхбаатар дүүрэг өөрийн хөрөнгөөр тохижуулж өгсөн байна.

Тохижилтын ажилд тоглоом, ногоон байгууламж, хүлэмж, гэрэлтүүлэг зэрэг олон ажлыг хийж гүйцэтгэсэн нь эцэг эхчүүдийн талархлыг хүлээв. 14 дүгээр цэцэрлэгт энэ хичээлийн жилд хамран сурах тойргийн 360 хүүхэд сургуулийн өмнөх боловсрол эзэмших юм.