Нийтийн тээврийн шинэчлэл иргэдэд хэрэгжиж эхэлсэн өдрөөсөө таалагдаагүй. Өнөөдрийг хүртэл автобусны буудал дүүрэн хүн. Мөнөөх хамгийн их хүн тээвэрлэх багтаамжтай угсраа автобус хүнээ ч суулгахаа болилоо.

Ганцхан өнөөдөр ч энэ үйл явдал болж байгаа юм биш. Өнгөрөгч долоо хоногт ч ийм байдал  ажиглагдаж байсан өдгөө бүүр хүнээ багтаах зайтай ч араасаа хүмүүсийг гүйлгэсээр байна. 

"Таван шар-Офицер" чиглэлд өглөө, оройдоо пиг дүүрэн хүнтэй. Иймээс хотын төвийнхөн бараг л Таван шар чигэлэлээсээ дүүрэн ирж байгаа автобусанд багтахгүй байх нь тодорхой.

Ингээд Таван шараас Офицерийн чиглэлийн дундах зайд амьдрагч иргэд атобусанд суухын төлөө алалцаж өгөх нь тэр. Өглөө долоон цаг өнгөрөнгүүт л гэрээсээ гарч эхний ирсэн автобусанд амжиж суухгүй л бол 9 цаг болтол хүлээнэ эсвэл дүүрэн хүнтэй автобусанд багтаж суух гэж үйлээ барна. Арай хийж хүн багатай угсраа автобус ирэнгүүт нь суух гэхээр хаяад явна. Аль эсвэл хаалга хаагдахгүй эвдрээд байна. "Араас хоосон автобус ирж байгаа тэрэнд суу" гэх шалтгааныг хянагч хэлж хүн орох хаалгаа хаагаад бушуухан зугтаж одно.

Угсраа автобус хүн суулгах багтаамж нь илүү л юм гэсэн. Гэхдээ илүүг нь одоог хүртэл олж хараагүй байна. Учир нь дотроо ороод хоёр хүн ч зөрөх зайгүй. Хээгүй Монгочууд тулдаа л "чи наашаа, би ийшээ больё" гэж байгаад л бууж, сууна.

 

Автобус хүлээсэн иргэд "нийтийн тээврийн маршрутыг яах гэж өөрчилдөг байна. Хуучин арай ч ингэж бид автобусны хойноос гүйж байсангүй одоо өглөөдөө ажилдаа явах гэж байнга л хоцордог болло. Эрт гарч ирээд ч нэмэр алга" хэмээж өөр хоорондоо ярилцаж "Одоо ирэх автобусанд хэдүүлээ чихээд сууя буудаг хаалгаар нь ч сууя" гэх нь сонсогдоно. 

Уг нь төв замаар олон автобус явж байгаа ч дунд дахь автобусны буудлын хүмүүс багтахгүй байгааг ойлгох хэрэгтэй. Тухайлбал, Таван шараас Офицер чиглэлд явж байгаа автобусанд 3-р эмнэлэг, 10-р хороолол, андууд зэргээс хүмүүс сууж чадахгүй байна. 

Түүнчлэн хүн ихтэй багтаж шингэхгүй байхын зэрэгцээ мөнгөө төлж, картаа уншуулж байгаа нь цөөн. Ингэхээр нийтийн тээвэр алдагдалтай ажиллах нь тодорхой. Дээрээс нь нэмж хэлэхэд зарим иргэд чихэлдэж, багтах байгаа учраас хэд хэдэн удаа дамжин суух болж.

 

Гэтэл бусад чиглэлд зарим автобус хоосон тууж явах нь олонтаа. Үүнээс гадна Зүүн салаа-Халдварын чиглэлийн автобус өглөөдөө цөөн үзэгдэх нь. Гэхдээ мөн л дүүрэн хүнтэй. Өчигдөр нэгэн жолоочоос хэдэн хүн суучих зайтай байж  яагаад хүнээ суулгахгүй байгаа юм хэмээн асуухад өө энэ хүмүүсийн чинь ааш олдохгүй юм байна. Багтаамжаараа хүмүүсийг нь чихээд суулгачихаар их хүн авлаа гээд зандрах юм. Зарим нь болохоор хоосон байж хүнээ авахгүй гээд аашлана" гэв.

Үнэндээ нийтийн тээврийн шинэчлэл иргэд ч тэр, жолооч нарт ч чирэгдэл учруулж байна. Зарим автобусны жолооч нар хүн суух зай байгаа хэрнээ "за багтахгүй юм байна. Үлдээрэй гээд хаалгандаа хүн хавчуулах явдал цөөнгүй тохиолддог.

Томчууд ч чихэж суугаад багтах автобусаа хүлээгээд байж чадах улс. Сургуулийн багачууд мөн ч хэцүүдэх нь ээ. Цаг агаар хасах хэм рүүгээ шилжих өдрүүд ойртсоор байгаа. Өвлийн хүйтэнд хүүхдүүд гэлтгүй томчууд ч тэсч хүлээхэд тун бэрх болно гэдгийг мэдмээр л юм. 

 

Иймд хотын дарга аа, Нийтийн тээврийн маршрутыг хуучнаар нь явуулья.