Согтуурсан үедээ тагтнаас үсэрч амиа хорлохыг завдсан эмэгтэй Онцгой байдлын алба хаагчид эсэн мэнд буулгажээ.

Тодруулбал Нийслэлийн Баянгол дүүргийн 4 дүгээр хороо, барилгын 4 дүгээр давхрын тагтнаас эмэгтэй хүн үсрэх гээд байна гэсэн дуудлага 2019.07.04-ний өдрийн 06:09 цагт Онцгой байдлын албанд иржээ.

Дуудлагын дагуу Нийслэлийн Аврах ангийн 7 алба хаагч, 2 автомашинтай 7 км замыг туулан 06:18 цагт очиж, тус байрны 4 дүгээр давхарт оршин суугч иргэн Э /48 настай, эмэгтэй/ тагтнаас зүүгдэн үсрэх гэж байсныг гэрийнх нь хаалгыг эвдэн орж тухайн иргэнийг тагтнаас буулгаж, Цагдаагийн байгууллагад шилжүүлэн өгсөн байна.

Уг эмэгтэй архи согтууруулах ундаа хэтрүүлэн хэрэглэсний улмаас дээрх үйлдлийг хийхийг завджээ.