Сонин содон, хөгжилтэй үзүүлбэрээр дүүрэн “Утасгүй бол үхлээ юу” шоу тоглолт үргэлжилсээр…
2014/04/28
“Мөрөөдлийн театр”-ын цоо шинэ уран бүтээл “Утасгүй бол үхлээ юу” инээдмийн шоу тоглолт Тусгаар тогтнолын тайзнаа өдөр бүр 19 цагаас тоглогдож байна. Тоглолтын тасалбарын үнэ 12,000 төгрөг.
Орчин үед хүмүүс бидний амин чухал хэрэглээ болсон гар утасны өнгөрсөн үе ба одоогийн байдлыг тун ч хөгжилтэйгээр харуулж, басхүү нэгийг бодогдуулсан хэсгээс гадна орон нутгийн сайн дурын уран сайханчдаар төлөөлүүлэн нийтийн дуучдын “Хослон дуулж, хожим нь ханилъя” гэх нууцлаг уриаг хүртэл сануулаад авсан эл тоглолт үнэхээр сонирхолтой үзүүлбэрүүдээр дүүрэн болжээ.
Тус тоглолтод сүүлийн үед дэлгэцийн бүтээлүүдээрээ чамгүй “эрэлттэй” байгаа жүжигчин Б.Навчаа урилгаар оролцож буй бөгөөд “Рашаантын 18″ киноны хоёрдугаар анги энэхүү тайзнаа хэрхэн өрнөхийг үзэгч та бүхэн сонирхоорой.
Үргэлж, шинэлэг содон зүйлийг үзэгчдэдээ хүргэж байдаг “Мөрөөдлийн театр”-ын ээлжит шинэ уран бүтээл болох “Утасгүй бол үхлээ юу?” шоу тоглолтыг үзэж хаврын стрессээ тайлаарай. Ингээд тоглолтын үеийн тайзны арын зурагнаас хүргэж байна.
m · 2014/05/08
Нэг шөвгөр уруултай жүжигчин эмэгтэй бас гадаад хэлний дамжааны рекламанд тоглоод байдаг залуу танай хамтлагт байдагдаа. Царайны төрх нь тайз дэлгэцэнд нэгл тохирохгүй мэт санагдсан.
Зочин · 2014/05/08
сонгодог драмын жүжиг тоглох хэрэгтэй. Дандаа хошин шог тоглоод яаж болох вэ. Учир нь танай хамтлагийг анх гарч ирэхэд хошин шогийн хамтлаг гэж огт бодоогүй, драм талдаа уран бүтээл хийнэ байх гэж бодтол дандаа хошин шог тоглох юм. ТЕАТР гэж нэрний утга учир юу билээ дээ. Тэгээд бас жүжигчдээ сайн сонгож авч баймаар санагдсан.
Зочин · 2014/05/02
та нар арай л инээд хүргэхгүй байгаа шүү. Арай эрт нөгөө хууччуулаасаа салсан даа. За яахав та нарын тоглолтыг яс юман дээр үзэх хүн ******ор шүү. Муусайн төрийн албан хаагч нарын дарга, захирал нарт шахсан билетын хүчинд учиргүй юм бодоод яваад байх ********длагагүй. Инээд хэрэхгүй зүйлс байнга гардаг. Олон жилийн өмнө тоглолт үзэж инээж байсан хуучин зургийг гаргаад хүмүүсийг хуурахаа боль доо. Наадах чинь өнгөрчихсөн үе шүү дээ. Та нар хуучин архаг хошин жүжигчидээс илүү сайн зүйл урсгал гаргаж ирэх хэрэгтэй: тэгж байж хүмүүс та нарыг үнэлэх болно доо.