Архангай аймаг, “Тэрхийн цагаан” нуурын эргээр зугаалж байсан 12 иргэнээс нэг нь живсэн тухай дуудлага өнгөрөгч долдугаар сарын 17-нд бүртгэгджээ.

Улмаар тус аймгийн Онцгой байдлын газрын алба хаагчид Төв аймгийн Өндөрширээт сумын харьяат 42 настай иргэн Б-г эрэн хайх ажиллагааг эхлүүлж, талийгаачийн цогцсыг нуурын баруун хойд эргээс 50 метрийн зайд, 10 метрийн гүнээс олж, тус аймаг дахь Цагдаагийн газрын Мөрдөн тасгийн мөрдөгчид шилжүүлж өгчээ.

Эх сурвалж: Онцгой байдлын ерөнхий газар