Согтууруулах ундааны зүйл хэрэглэсэн үедээ тээврийн хэрэгсэл жолоодохгүй байхыг сэрэмжлүүлж байна.

Тодруулбал, Өвөрхангай аймгийн Тарагт сумын Голын-Өндөр гэдэг газар шатахуун тээвэрлэгч автомашин онхолдсон тухай дуудлага өчигдөр 19:30 цагт Онцгой байдлын газарт бүртгэгдсэн байна.

Дуудлагын дагуу тус аймгийн Онцгой байдлын газар, аймгийн Тээврийн цагдаагийн албаны алба хаагчид очиход Улаанбаатар хотоос Өвөрхангай аймгийн Уянга сумын Бөөрөлжүүт багийн Бүрэгдэй гэдэг газар үйл ажиллагаа явуулдаг ашиглалтын талбайд 22 тонн түлш хүргэхээр яван 49 настай, эрэгтэй, согтууруулах ундаа хэтрүүлэн хэрэглэсэн үедээ “Танклори” загварын цистерн жолоодож яваад онхолдсон байжээ.

Алба хаагчид ажиллаж, мөн өдрийн 22:40 цагт автомашиныг татаж босгосон гэж Онцгой байдлын ерөнхий газраас мэдээллээ.