Ардчилсан намын Улс төрийн зөвлөлийн ээлжит хуралдаан 8-р сарын 20-нд боллоо. Ардчилсан намын дарга, УИХ-ын гишүүн Лу.Гантөмөр Ардчилсан намын Үндэсний бодлогын хороог энэ сарын 28-ны өдөр хуралдуулахаар санал гаргасныг уг хуралдаанаар дэмжсэн юм.

8-р сарын 28-нд болох АН-ын ҮБХ-ы хурлаар хэлэлцэх гол асуудлын нэг нь зохион байгуулалтын асуудал. Өөрөөр хэлбэл АН-ын даргыг сонгох буюу эсвэл АН-ын даргыг хэрхэн ямар хэлбэрээр сонгох вэ? гэдгийг шийднэ гэсэн үг.

АН-ын даргад УИХ дахь АН-ын бүлгийн дарга О.Цогтгэрэл, УИХ-ын гишүүн Ц.Туваан, УИХ-ын гишүүн О.Алтангэрэл, Ч.Лодойсамбуу нар нэр дэвших магадлалтай тухай эх сурвалжууд өгүүлж буй.

О.Цогтгэрэл, Ц.Туваан нарын хувьд "Нэг Монгол" нэртэй нэг фракци байсан ч салжээ. Ц.Туваан илүүтэй МАН-ын дэмжлэгтэй болсон байна.

Харин Ч.Лодойсамбуугийн хувьд АН-ын даргад өрсөлдөх замаар өөрийн нэр хүндийг өсгөн, Нийслэлийн АН-ын дарга дээр "тогтох" төлөвлөгөөтэй гэх. Харин Ерөнхийлөгч асан, УИХ-ын гишүүн Х.Баттулга буюу МоАХ фракцийн талаас Хууль Зүй, Дотоод Хэргийн Сайд асан, УИХ-ын гишүүн О.Алтангэрэлийг АН-ын даргад зүтгүүлэхээр тохирсон байна.

С.Сарнай

сонин.мн