УИХ дахь МАН-ын бүлэг Монгол Улсын Ерөнхий сайдад нэр дэвшээд буй Ч.Сайханбилэгийн асуудлаар бүтэн өдөржин хуралдаж эцсийн шийдвэрээ гаргасан.

  Үдээс өмнө хуралдсан бүлгийн хуралдаанд 25 гишүүн сууснаас 19 нь Ч.Сайханбилэгийг дэмжсэн байна.  Харин Удирдах зөвлөлийн хуралдаанд 19 хүн оролцсноос 12 нь эсэргүүцжээ.  Ийнхүү МАН нэр дэвшигч Ч.Сайханбилэгийг дэмжсэнгүй.  МАН Ч.Сайханбилэгийг дэмжихгүй байх хэд хэдэн шалтгаантай аж.  Өнөөдрийн хувьд Монгол Улсын нийгэм, эдийн засгийн нөхцөл байдал хүндэрсэн иймд байдлаас Ч.Сайханбилэг гаргаж чадах уу гэдэг нь эргэлзээтэй гэнэ.  Учир нь Ерөнхий сайдад нэр дэвшигч эдийн засагч бус хуульч мэргэжилтэй юм байна.  Олон нийт болоод учир мэддэг хүмүүсийн хэлж буйгаар мэргэжлийн Засгийн газар байгуулах шаардлагатай гэж байгаа.  Үүнээс гадна Ч.Сайханбилэгийг Н.Алтанхуягийг багт орж ажиллаж ирсэн гэдэг утгаар дэмжихгүй байх нь лавтай. Өөрөөр хэлбэл Ч.Сайханбилэгээр дамжуулж Н.Алтанхуяг бодлого тодорхойлох магадлалтай. Эцэст нь өнөөгийн нийгэм, эдийн засгийг хүнд байдалд оруулахад Ч.Сайханбилэгийг гар бие оролцсон хэмээжээ.  Дээрх шалтгааны улмаас түүнийг дэмжээгүй байна. Ийнхүү МАН-ын 26 гишүүн Ч.Сайханбилэгийг дэмжихгүй болсноор улстөрийн нөхцөл байдал улам ээдрээтэй болж эхэллээ.   Учир нь АН-ын бүлгээс Ч.Сайхабилэгийг 19 гишүүн л дэмжиж байгаа. Үлдэж байгаа 16 гишүүнээс 2-3 хүн л Ч.Сайханбилэгийг дэмжинэ гэж мэдэгдсэн. Тэгэхээр Ч.Сайханбилэг УИХ-аас Ерөнхий сайдаар дэмжигдэх магадлал улам багасч байна. Нэг үгээр хэлбэл түүний Ерөнхий сайд болох мөрөөдөл талаар болов оо. 

 

Д.Анар