Өнөөдөр дэлхий дээр 200 гаруй улс байна. Түүний 93 улс нь 500 000 га газраас бага нутагтай. Тэгвэл энэ 500 000 га газар нь Монгол улсын газар тариалан эрхэлж байгаа нийт талбайгаас 2-3 дахин том газар. Энэ газарт чөлөөт бүс байгуулах ёстой юу? Үгүй гэдэг нь асуудал болоод байгаа. Тэгвэл энэ асуудалтай зэрэгцэн нэгэн хардлага төрж байна. Тодруулбал Халхголд чөлөөт бүс байгуулах ажил нутгийн иргэдийн эсэргүүцэлтэй тулгараад байгаа. Тэгвэл энэ цаг үед Р.Бурмаа КОИКА олон улсын байгууллагаас жишиг сангийн аж ахуйн бэлгэнд авсан бөгөөд даргаар нь төрсөн дүүгээ тавьсан гэх яриа байна.

Энэ талаар Халхгол сумын оршин суугч Хоролмаагаас тодруулахад: Гурван жилийн өмнөөс жишиг сангийн аж ахуй байгуулахаар ажиллаж байгаа. Өнөөдрийн байдлаар гурван том хүлэмж, гахай, тахиа, 50 гаруй үхэртэй. САА-н эзэн нь Р.Бурмаагийн төрсөн дүү гэдгийг Халхгол сумынхан ярьж байна. Бид наp цаана нь хэн байгааг судалж байгаа” гэдгийг хэлэв.

Халх голд КОЙКА олон улсын байгууллагын жишиг сангийн аж ахуйг байгуулахдаа 4 сая ам доллар зарцуулж байгаа. Энэ бүхний цаана Солонгосчууд байгаа гэх мэдээллийг эх сурвалжууд өгдөг. Тухайлбал, Монголын хуульчдийн холбооны гишүүн, өмгөөлөгч Ч.Эрдэнэбат “2011 онд Солонгосын КОЙКА гэх компани Дорнод аймгийн засаг даргын орлогч н.Дамдинбазар гэх хүнтэй 30 000 га газрыг ашиглах гэрээ хэлцэл хийсэн гэх мэдээлэл байдаг. Удаа дараа Солонгос байгууллагын нэр дуулддаг” гэж ярьж байгаа нь үүний баталгаа болж байгаа юм.

Р.Бурмаа сайдын өгцөө авцааны асуудлыг эх сурвалжууд ийнхүү ярьж байна. Харин шалгах эрх нь АТГ-т байгаа. АТГ шалгаад үнэн худлыг нь тогтоох биз. Өөрөө ч энэ талаараа тайлбар хийх бизээ.

А.Баярмаа