С.Баярцогтын аав Сангажав гуай, Ч.Сайханбилэгийн аав Чимид гуай Танаа
2016/01/20
Туйлаас эрхэм хүндэт өтгөс Та бүхний энэ өдрийн амгаланг мэхийн айлтгая аа!
Цаг төр цөвүүн, цаг агаар хүйтэн энэ цагт гавъяаныхаа амралтыг эдлэн жаргаж буй Та бүхний амгаланг эвдэж, алтан номын үсгээр хэл болгон, ард олноор гэрч болгон нэгэн ил захидал хүргүүлэхийн учир аа:
Манай Монгол Улсын түүхийг Хүн гүрнээс улбаатай хэмээн лавтайяа тогтоож, тусгаар төрийн албан ёсны түүх бичигт оруулсаар нэгэн зууныг үдэж буй. Монгол Улс болбаас дэлхийн анхны төрт улсуудын нэгэн, эрт мандсан төрт ёсны уламжлалтай. Европ, Азийг хамарсан гурван хэт их гүрнийг байгуулсан их түүхийн өлгий нутаг болохын хамгийн анхны баталгаа, хамгийн эртний биет өв эдүгээн Төв, Сэлэнгэ аймгийн заагаар орших Ноён уулын их хориг билээ. Үүнийг мэргэн ах, эгч Та нар өчүүхэн биднээр хэлүүлэх юун!
Эрдэмтэн Козлов анхны бунханыг малтан 23 тэмээ эд агуурс, соёлын үнэт өвийг гаргаж, эрмитажид зөөж, Орос, Америк зэрэг хүчирхэг их гүрний хөгжсөн шинжлэх ухаанаар зөвшөөрүүлж, Хүн гүрэн бол Монголын өвөг болохыг баталжээ. Үүнээс улбаалж одоо цагт бид Үндэсний их баяр наадмаа Хүн гүрэн байгуулагдсан жилээс тоолон, төрийн ойгоо бахдан тэмдэглэсээр иржээ. Баясан цэнгэхдээ Хүннү гэж, баран идэхдээ алт гэх ёсон бий юу?
Хүн гүрний их өвийг агуулагч Ноён уул, Түрэгийн эзэнт гүрний их өв соёлыг агуулагч хөгшин Орхоны хөндий, Их Монголын эзэнт гүрний шүтээн Бурхан Халдун уул гурав бол үеийн үед хориглон онголсон хүрч болшгүй ариун шүтээн нутаг болохыг Та бүхэн зөвшөөрөх болов уу! Үүнээс гадна Сяньби, Табгач, Уйгур, Хиргис, Нирун таван их гүрний мандал бадралын цог хийморь өнөө бидний эзэгнэн буй нутагт бий.
Гэтэл энэ гурван эрдэнийн нэг Ноён уулыг хөндийлөн ухаж, өчүүхэн бага алтны төлөө хоёр мянган хоёр зуун хоёр арваныг дамжуулан хамгаалсан их хориг цээрийг зөрчиж, эцэг өвгөдийн ариун биеийг эвдэж, сүнс сүлдийг цочоон хилэгнүүлж, эх түүхэндээ халдах муу үйлийг Таны үр хүүхэд эхлүүлэхээр завдан буй тул аргагүйдэн хандаж байгааг минь өршөөн хэлтрүүлнэ үү! “Муу нүүрт” хэмээх бичин жилийн нүүрэнд төр засгаас эрхбиш Та бүхний үр хүүхдийн санаагаар, буй ард олон, буцсан өвгөд дээдэс, буурал түүхэндээ халдсан “муу нүүрт, муухай санаат” бодлого гаргах болуужин хэмээн болгоомжлохын учир аа.
УИХ-ын дарга З.Энхболд ууж өссөн Сэлэнгэ мөрнийхөө нэгэн цутгаланг устгаж мөхөөхөөр дайрч буй нь туйлаас харамсалтай. Энэ уснаас түүний аав, ээж ч ууж байсан шүү дээ. Сэлэнгэ аймгийн Намын хороон дарга хүртэл өндөр албыг хашиж, улс орноо цэцэглүүлэн хөгжүүлэхэд гар бие үл амран, газар тариалангийн салбарт 50 шахам жил үр бүтээлтэй ажиллаж, нойр хоолгүй зүтгэж асан гавъяат агрономич Сангажав гуай Таны үед ч “Ноён уул” хэмээх ариун дагшин газарт халдаж, уулыг нурааж, усыг таслаж, ардыг хохироож байсангүйг Монголчууд мэднэ. Сангажав гуай Та өнөөгийн босгож буйгаас хэд дахин олон үйлдвэр, Сангийн аж ахуйг эрт эдүгээгийн олон хүчин зүйлийг харгалзан үзэж, судалгаа шинжилгээнд тулгуурлан, ард олны сэтгэлийг үймүүлэлгүй, итгэлийг алдалгүй амгалан тайвнаар бүтээн байгуулж ирсэн түүхээ хүүдээ хэлж сургах болов уу.
Цамбагарын хормойд нөхчсөн хааныхаа ясыг Манж нараас харамлаж явсан дайчин ойрдын угсаа Ерөнхий сайдтан Хүн гүрний ихсийн ясыг эвдлэн ухуулахаар ёсыг эвдэн зүтгэн буй буруу үйлийг Чимид гуай тэргүүтэн олон ах дүүс Та нар ухуулан хэлж, эргүүлэн ухааруулж туслах болов уу? Энэ үг хэлснээ мартагч Ерөнхийлөгч болоод түүний овог удамд ч хүрээсэй.
Монголын төрийг далд аюулаас хамгаалахын төлөө зүтгүүлэх цол хийгээд тушаалыг харамгүй хүртээд өдгөө түүнээ хөсөр хаяж, харин ч далд нууцыг ухуулах эвдүүлэх санаагаар зүтгэн буй Сандаг генералын садан ах дүүс уншаасай. Эдгээр мунхрагчдын гар хөл болж, эцэг эх хийгээд, үр хүүхдээ бузар мөнгөөр тэжээгч УИХ-ын гишүүдийн аав ээж, ахас ихэст хүрээсэй хэмээн хүснэ.
Ард олны хүсэлт шаардлагаар Ноён уулын орчмыг хамгаалж үлдэхийн тулд хоёронтаа буцаасныг үл тоон ухан сүйтгэхээр завдагчдын тоо өдрөөс өдөрт нэмэгдэн байгаад бид санаа зовж, давчдан байна. Ноён уулыг ухаж, ихсийн онгоныг цочоож, биеийг сүйтгэж, Гацууртын голыг таслан хөнөөж, мод ургамлыг хиаруулан мөхөөхийн төлөө зүтгэгчдийн ар гэр, аав ээж, ахас ихэс нь дээрхийн адил ухуулан сэнхрүүлэхийг мөргөн гуйж байна.
Уур хилэн, мунхаг харанхуй, атгаг санаатны урхи занга, адбиш харийн шунал хүсэлд автсан бидний үеийнхний алдаа эндэгдлийг шүүн хэлж, аль алийг ухааруулан эвлүүлэх ахмад үеийнхний ёс суртахуун, мэргэн ухаанд найдан хандахаас өөр арга бидэнд үлдсэнгүй.
Алд биеийг амар оршоох уул газраа сүйтгэсэн энэ бидний үеийн алдаа эндлээс болж эцэс хойч маань Та бидний шарил, биеийг үл хүндэтгэж, ухан эвдэх муу заншлыг тогтоохгүй байхыг хүсэмжлэн энэхүү ил захидлыг өргөн мэдүүлснийг сэтгэл оюундаа тогтоон, өршөөн толилоосой хэмээн хүсэн гуйж, мөргөн даатгасан:
Улсын Их Хурлын гишүүн Гантөмөрийн Уянга
Зочин · 2016/01/21
enenii etseg eh mongoloor oil
Uyangaagiin
ene tenegiin aab eejid ni bas zahia bichbel yah bol balai hyyhen chini
Зочин · 2016/01/21
teneg avgai be?
Зочин · 2016/01/21
zow bna demjij bna
Зочин · 2016/01/21
Ene tsag ued dugarj temtssen n yaltan boldog horwoo bolj dee. Yahawde arga baraad ingej yawna. Ene door setgegdel bichij bui humuus oyuun sanaani doroitold orj dee. Yumig ongots harj doromjilj suun. Ugen dotor ug gedegdee helj yarihad bas uchr bn utaggui toromj ug hend ch hereggui ingej bichih tsag zaw hairan sanagdhin nigem ter chgeeree tenegreld awtaj dee
Зочин · 2016/01/21
Tegeed Ninja nar orood suitgeed bhad yu heleerei bj zohistoi bga yumaa ashiglaya l gej bna.
Зочин · 2016/01/20
Sain baina. Uyanga gishuun yg demjij baina. Mongold olon myngan Uyanga gishuun bii boloh boltugai.
Зочин · 2016/01/20
UYanga gishuud bayarlalaa. Ard tumen hairtai shuu.
Зочин · 2016/01/20
Zuitei ohin min'. Ard tumniihee Duu hooloi boloj buid eh oron baharhana.
Irgen · 2016/01/20
Top populist.
Зочин · 2016/01/20
Та 76 өтгөс өвөгдөө тайван байлгахгүй, хов жив зөөж хямрааж, бас ингэж үеэ өнгөрөөсөн өвгөдөд хүрэлгүй асуудлаа шийдэж чадахгүй дээрээ тулсан бол хурдан зайлцгаа. Аливаад хэмжээ хязгаар гэж байдаг. Ичих булчирхайгүй, эргүү 76-аас иймэрхүү үйлдлүүд л гарна даа.
TENEGTENGUUDED · 2016/01/20
EH ORON NUTAG USAA HAMGAALIYA HOICH UEDEE ULDIIE GESEN HUN MEDREL MUUTAI, HAVRIIN SINDROMTOI, SHOWCHIN, ARXICHIN SOGTUU AVGAI BOLDOG UMUU, ENE DOOR BICHIGSED UURSDUU HARIN OYUN UHAANII GAJIGTAI HUMUUS UU UGUI EU HARIN.
Зочин · 2016/01/20
Уянга авгайгийн эцэг эхэд нь ил захидал бичих юмсан...Адилхан настай л улс байдаг байх...
Зочин · 2016/01/20
rock pop-iin odod gedeg shig rock populism-iin od boljee
Зочин · 2016/01/20
ene neg balai awgai chin odoo yasan showdaj duusdaggui yum be, ard tumend taalagdah gej buur alia jujig tawidag boljee. bolimoor yumaa. yugaa ch medehgui, ediin zasgin talaar geriin awgain daitai medleggui baij eliirch yawah gej. hunii nastai etseg ehruu dairch balairaad bhdaa yahawdee. noyon uul geel uilaad bsan, ninja nar uhaad ballachihsan bhad yu ch heleegui baij. hudlaa angaih yumaa. henii zahialgaar songuuli duhuhuur show hiigeed bna aa
erhii · 2016/01/20
Улс нийгэмдээ нэгэн үзүүрт сэтгэлээр ажиллаж хөдөлмөрлөж явсан ахмадууд минь та нар шилбүүр барьж мал хариулаагүй, хүрз барьж газар шорооны ажил хийгээгүй, багаж барьж үйлдвэр уурхайд ажиллаагүй төрийн толгойд буянтай буурал та бүхий нэр нүүрээр гарсан цадиггүй хөвгүүддээ эх орноо хайрлах ухаан зааж өгнө үү .Уянга гишүүд зөв зүйл хийж байна.
Зочин · 2016/01/20
ineedtei yumaa ingej ard tumniihee doog tohuu bolhoo bolimoor yum
Зочин · 2016/01/20
kkk ene odoo yu ve shou hiih sedvee olohgui l bnaa daa
Зочин · 2016/01/20
sogtuu bgaa yum bolovuu
Зочин · 2016/01/20
havar boljee. yum yum hodlood
Зочин · 2016/01/20
urdaas ni ichij uhehnee
Зочин · 2016/01/20
shar hadniihan ajlaa hiigeechee
Зочин · 2016/01/20
ih hurald uldeh gesen humuusiin chadvar aimaar ymaaa
ZOCHIN · 2016/01/20
УЯНГА ГИШҮҮНД БАЯР ХҮРГЭЕ.ИНГЭЖ Ч БОЛОВ ҮНЭНИЙГ ХЭЛЭХГҮЙ БОЛ "ХЯТАДЫН МОНГОЛ"-ЫН САНАА БОДОЛ УРВАЧИХСАН БАЙГАА ШҮҮ ЭЭ.УХААНТ ӨВГӨД УРАГШГҮЙ ХӨВГҮҮДДЭЭ НЭГИЙГ ХЭЛНЭ БИЗ ДЭЭ.
Baagii · 2016/01/20
Ene neg avgai har buhniig duudagch yu hiij buteesen ym bol buhniig uguisgegch soliorch bga bh
Зочин · 2016/01/20
Neg musun duulaad CLIP hiigd TV-r gargamaar yum. Songuuli duhuhuur bugd Mongold hairtai bolchij gene dee
Оогий · 2016/01/20
Энэ авгай солиорчихжээ сэтгэцийн төвийнхөн ор байвал бэлдээрээ.Сонгууль дөхөхөөр олон хүний сезо хөдөлж байна,Өчигдөр МАН-н Бямбацогт их хурал дээр яруу найраг уншаад л солиороод байсөн,
Зочин · 2016/01/20
wow. zursan ym shig bichsen bna.