Буддагийн төлөө 18000, мүүний төлөө ?????
2016/03/19
Хүний шашин шүтэх, эс шүтэх бас юугаа сонгож шүтэх нь чухам тухайн хүний язгуурын эрх болж байдаг. Үзэл бодол, шашин шүтлэгээр нь хэн нэгнийг ялгаварлан гадуурхах нь аюултай.
Тэр тусмаа шүтэх шашнаар нь ялгаварлан гадуурхах нь бүр ч илүү аймшигтай. Дэлхийн хоёрдугаар дайны дараа НҮБ-аас гаргасан Хүний эрхийн түгээмэл тунхаглалд “Хүн бүр төрөхөөсөө эрх чөлөөтэй, нэр төр, эрхийнхээ хувьд адил тэгш байна. Тэдэнд оюун ухаан, өрлөг сэтгэл заяасан бөгөөд өөр хоорондоо ахан дүүгийн ёсоор харилцах ёстой. Хүн бүр энэ Тунхаглалд заасан бүхий л эрх, эрх чөлөөг арьс үндэс, арьсны өнгө, хүйс, хэл, шашин шүтлэг, улс төрийн болон бусад үзэл бодол, үндэсний буюу нийгмийн гарал, эд хөрөнгө, язгуур угсаа болон бусад байдлын ялгааг эс харгалзан ямар ч гадуурхалгүйгээр эдлэх ёстой” гэж зааж өгсөн байдаг. Үнэхээр хүн төрөлтөн шашны зөрүү, арьсны өнгө, эд хөрөнгө, язгуур угсааны зөрүүнээсээ болж, дайтан тулалдаж, үзэн ядалцаж хуваагдаж ирсэн учраас ингэж цаасан дээр хараар бичиж өгөхөөс аргагүйд хүрсэн юм. Дэлхийн түүхэнд гарч байсан ихэнх дайн тулаан, хагаралдаан мөргөлдөөн дандаа л дээрхийн зөрүүнээс гарч байсан. Одоо хэр тунхаглаж зарлачихаад байгаа хэрнээ дайн мөргөлдөөн дуусаагүй л байна.
Хамгийн олон шашныг нэг төрийн дор, нэг тэнгэрийн дор зангидаж байсан гэлцдэг монголчууд бидний түүхэнд шашин шүтсэнийхээ төлөө үй олноороо хомроголон хороогдсон саяхны гунигт түүх ч бий. Ердөө 80 хүрэхгүй жилийн өмнө шүү дээ. Монголын оюунтай, сэхээрэлтэй олон мянган хүнийг хороосон 1937 оны хэлмэгдүүлэлтээр нийт хүн амынхаа 10 орчим хувийг үгүй хийснээс 18 мянга нь лам хувраг байсан гэдэг. Ердөө шарын шашин шүтэж, Буддаг бүхний дээр тавьсан нь тэдэнд үхэл рүү одох шалтгаан болж байлаа. Хэлмэгдүүлэлтийн аймшигт жилүүдэд 45-55 мянган хүнийг цаазалж хөнөөсөн гэх баримт бий. Одоо тэгвэл Мүүний шашинтай холбогдсон, Мүүн гэж амнаасаа унагасан хэдэн хүнийг бид араас нь илгээх гэж байна даа?
Дэлхийн түүхэнд шашин шүтсэнийхээ төлөө дайн мөргөлдөөн үүсгэж, үүний золиос болж байсан түүх их. Католик шашинтнууд мусальманчуудын мэдэлд байсан Иерусалимыг буцаан авах зорилготой эхлүүлсэн Загалмайтны аян дайн гэж 1095-1291 оны хооронд есөн удаа өрнөж, үргэлжилсэн байдаг. Бас испани, голланд хүмүүсийн хооронд шашны зөрүүгээс үүссэн 80 жилийн дайн гэж байна, бас Ромын эзэнт гүрэн нуран унасны улмаас шашны үзлээс эхлэлтэй 30 жилийн дайн ч гэж бий. Бод л доо. Хэдэн арван жилээр үргэлжилсэн дайнууд шашны мөргөлдөөний улмаас л үүсдэг.
Английн түүхэнд эцэг, охины шашны зөрүү нь их хэлмэгдүүлэлт их цусыг асгаруулсан байдаг. Английн хаан Хенри VIII католик шашинтны хатуу дэг жаягийг эсэргүүцдэг нэгэн байжээ. Түүний үед католикийн эсрэг буюу протестант шашинтнууд гаарч хүчийг олов. Хаан өөрөө ч зургаан эхнэртэй, дуртай үйлээ шашны хатуу дэг жаягаас айхгүй хийдэг байсан гэдэг. Гэвч түүний охин Мэри хаан ширээнд суумагцаа аавынхаа бодлогыг үгүйсгэж, эмх замбараагүй протестант шашинтнуудыг журамлаж эхэлсэн байна. Тэгэхийн тулд тэднийг шонд уяж галдан шатааж байлаа. Түүхэнд цуст Мэри хэмээн тэмдэглэгдэх болсон нь үүнтэй холбоотой. Түүхийн номуудад аймшигт шулам гэж дүрслэгдэж, баар кафены цэсэнд улаан лоолийн шүүстэй, архи, халуун ногооны орцтой коктейлийг цуст Мэри гэж нэрлэсэн байдаг нэрний бодит нь ийм хүн байлаа. Харин аавынхаа, эгчийнхээ үед шашны үзэл бодлын зөрүүгээсээ ээлжлэн адлагдаж байсан хүмүүсийг Элизабет I хатан гар газар, хөл хөсөр амьдруулж, улмаар түүхэнд сэргэн мандлын үе хэмээн нэрлэгдсэн тэр тайван цаг ирсэн гэх нь ч бий. Ямартай ч түүний үед Англи орон улам бүр хөгжин дэвжиж, аугаа Шекспирээс эхлээд авьяас билигтнүүд суу алдраа дуурьсгаж эхэлсэн юм.
ХХ зууны бас нэг аймшигт хэргээр Арменийн геноцид зүй ёсоор ордог. Оттоманы эзэнт гүрний цөөнхөд тооцогдож ирсэн арменчууд үнэн алдартны загалмайтнууд байсан бол эрх баригч Оттоманы туркууд нь лалын суннитууд байлаа. Хуучин цагт тэднийг онцгой эрхтэйгээр хүлээн зөвшөөрдөг байсан туркууд он цагийн уртад боолтоо улам чангаруулсаар 1915 оны дөрөвдүгээр сард аллага хэрээс хэтэрсэн юм. Арменчуудын боловсрол чадалтай гэсэн 250 хүнийг нэг өдөр хотоос гаргаж, цаазаар авч байлаа. Бусдыг нь Сирийн элсэн цөлд аваачиж, эд хөрөнгийг нь үл маргах гэрээгээр олзлон авч байсан байдаг. Харин шалтаг нь дайснуудтай хуйвалдсан хэргээр шалтгаан нь тэд өөр шашны хүмүүс байлаа. Энэхүү Арменийн геноцидийн үеэр 800 мянгаас 1,5 сая хүртэл хүн алагдсан гэдэг аймшигтай тоо бий. Шашны зөрүүгээс үндэстэн хоорондоо, улс дотроо мөргөлдөөд эхлэх хамгийн аюултай. Яагаад гэвэл шашны зөрүүтэй улс тэмцэлдэхдээ хязгааргүй их хилэнтэй, цуцашгүй их хүчтэй болдог гэмтэй.
Манайд сүүлийн өдрүүдэд юу болов оо. Нийгмийн сүлжээгээр тараагдаж байгаа мэдээлэл, хүмүүсийн хараал, үзэн ядалт, шашны зөрүүгээс нэгэндээ хандаж байгаа хандлага хэрээс хэтрэх шиг боллоо. Мүүн гээд шашны нэг суртлыг нэвтрүүлсэн өвгөнийг хараан зүхэх, Мүүний дагагч байсан гэгдэх төрийн дунд тушаалын түшмэл С.Насанбаярыг үзэн ядах байдал хэмжээ хязгааргүй байв. Мүүнийг харааж, С.Насанбаярыг зүхэлгүй дундыг баримтлаад үзэл бодлоо бичсэн нэгнээ бол нийлж аваад дор нь нухаж байлаа. Болдогсон бол дамжилж аваачаад бариад идчихээр л байх шиг. Ерөөсөө Мүүнийг харааж бичээгүй бол өөрөө мүүнист болчих гээд хаана, хаанаа л хэцүүдсэн байх. Зарим нэг нь “Мүүн миний амьдралд яаж нөлөөлөөд байгааг мэдэхгүй юм. Хэтэрхий туйлшраад байна уу даа” гээд саналаа хэлээд л Мүүнист болж буруудаад эхэлнэ. Ерөөсөө хилсдэх, хэлмэгдүүлэлт гэдэг нь араа эрэг нь хөдлөхөөрөө ингэдэг байх л гэж бодогдмоор. Тэр Мүүнийх нь сайн мууг нь мэдэхгүй юм. Хүнлэг энэрэнгүй байхыг сургадаг буддын шашин маань байхад элдэв гаж урсгал хэрэггүй л дээ. Мүүн нь доороо байтугай дээрээ хөлөө олоогүй байсан ерээд оны шилжилтийн үеэр л манайд өөр малгайн доор анх нэвтэрч байсан юм уу даа. Ерээд оны эхээр зохиолч Дожоодорж агсан, Шаабар нар гэр бүлийн холбоо гээд эхлүүлж байсан байдаг. Энэ нэрийн дор манай олон алдартан, авьяастнуудыг цуглуулж, шагнал батламж ч өгч байсан байх. Улс төрийн хүрээнийхэн ч очиж байсан байлгүй. Гэхдээ тэд учир начрыг нь ойлгоод чимээгүйхэн холдоод явчихсан гэж ойлгодог. Үүнийг өнгөрсөн цаг дээр хэлж байгаам шүү. Одоо тэр Мүүн гээд өвгөний шашны урсгалыг шүтээд байгаа хүмүүс байгаа юм уу. Нэвтрүүлэгт орсон хүмүүс ч гэсэн бүгд бурууг нь ойлгоод хаяад явчихсан байна лээ. С.Насанбаяр хүртэл удаа дараа, өчигдрийн хэвлэлийн бага хурал дээрээ ч нийгмийн сайн сайхны төлөө, гэр бүлийн сайн сайхны төлөө гэж бодож явтал шашин гэдгийг нь мэдээд холдсон гэж хэлж байсан. Гэтэл энэ бүхний төлөө ямар аймшигтай үзэн ядалт бидний дунд өрнөнө вэ. Үнэндээ интернэт орчинд байдаг цөөхөн хэдэн хүний дунд л ийм явдал болоод байгаагаас үүний учир начрыг мэдсэн хүмүүс цөөхөн байна лээ. Төвийн хариуцлагатай сонин хэвлэлүүд үүнийг дэвэргэж, элдвээр дагасан нь үгүй. Шашнаар улс орныг хагалан бутаргахын хор хөнөөлийг мэддэг, хүний эрх, эрх чөлөөг дээдлэхийн мөн чанарыг ойлгож байгаа болохоор тэр биз ээ. Сошиалаар зорилготой зорилгогүй олон мэдээлэл тарааж, түүнд итгэгсэд мунхрагсад их байгаа нь одоогийн бидний төрх юм уу даа. Уг нь хүний эрхийн түгээмэл тунхаглал болон бид өөрсдөө эцэг хууль “Үндсэн хууль”-даа зааснаар үзвэл ямар ч шашин шүтсэн байсан тэр хүнийг ялгаварлан гадуурхаж болохгүй. Гэвч Монголд ялгаварлан гадуурхалт газар авбал олсны үзүүрээс татах шиг хөврөөд явчих бололтой юм аа. Мүүнд итгэхээ байснаа хэлэх байтугай одоо ч итгэж байгаа гээд хэлсэн хүнийг бид буруутгах эрхгүй. Тэр хүний шүтэх эс шүтэх эрхэд бид халдаж болохгүй. Бид дундад зуунд амьдраагүй ээ. Гэвч ардчилсан Монголд асуудал өөрөөр явдаг юм байна.
Өнөө С.Насанбаяр маань хэвлэлийн хурал хийлгээд, төрийн албаны ажлаа өгч байгаагаа мэдэгдсэн. Хувь хүнийхээ хувьд туулж байгаа ялгаварлал, мянга хашгираад хүмүүст хүрэхгүй байгаа тэр тэвчээрийн тухай өөрөө туулж өнгөрөөгүй байж юуг ч ярих билээ. Гэхдээ төрийн дархлаа ийм сул, хариуцлагатай албанд итгэж томилсон томилгоо ийм хэврэг байх юм уу гээд яривал олон зүйл хөндөгдөнө. Захын жиргээчин, захын фэйсбүүкчний сэтгэлийн хөөрөл, далдаас аль нэг хүчний нууцхан удирдлага энэ мэтээр өрнөхөд л Монголын төр хэврэг байх нь гэсэн бодол сэтгэл гундаана.
буддын шашин ... · 2016/03/21
1. мїїн гэдэг нь гаж урсгалтай юм бол шашин мєн эсэхийг нотолж буддын шашинтай харьцуул. 2. дараа нь энэ хїн їнэхээр тэр гаж урсгалтай шашины хїн мєн эсэхэд л байгаа. 3. гаж бол энэ хїн монголд байхад ч хэцїї асуудал
Зочин · 2016/03/20
ямарч шашин хэрэггүй. Уул ус газар дэлхийгээ шүтэж яв
Зочин · 2016/03/20
ODRIIN SONINII NOHOIN JOGORHOI NAR ZAHIALGAT TARHI UGAALT YAVUULJ BAINA DELHIIN OLON OROND HORIGLOSON SHASNII URSGALIIG DEMJIJ ULMAAR TUUNII UNDESLEGCH GEH SHORONGIIN GEMT HEREGTNUUD OMGOOLSON BICHLEG GARGASNIIG ESERGUUZEJ BAINA BOGS BITGII DOLOOZGOO NOVSHIIN LALARUUDAA
Зочин · 2016/03/20
Huuhed zaluuchuudig urvuulj bgaa ni haramsaltai. Uzel bodol ni tolovshoogui amidralin turshlagagui tiim huuhduudig urvuulj bgaa ni gamshig. Bas toruulj osgoson etseg ehee bish ogt tanihgui emgen ovgon 2iig shutuulj bgaa ni gutamshig. Muuni tom berin yariltslaga nevtruuleg erhem bichheech ta uzsen bol Moon tunii ur huuhed sadar samuun degeruulegch emegtei huni huchirhiegch bolohiig ta oilgosn bol ene niitlelee arai oor ontsgoos harj bichih bsan.
Зочин · 2016/03/20
Heni zahialgaar ene tsuvral niitlel garaa bnaa. Muuni gaj ursgaliig omoorch bichsen bn. Buruu uzel surtal bish bol davuu talig ni tailbarlaad ogno uu erhem bichigchee
zichin · 2016/03/20
buruu vil yavuulj baigaa bol zemlel concoxod yagad buruu gej.
Зочин · 2016/03/20
Удирдлаггүй төрийн эмэгнэл. Энэ авгай мөнгөөр зодож энэ албан тушаалд очоо биз. Амисгааа худлаа уйлж жүжиг тоглоод
Ойлголт... · 2016/03/19
...Шашин биш ээ, шашины гаж урсгал , гүрэн дамнасан гэр бүлийн хууль бус бизнес гэж хэлсэн байсан шүү дээ. Гэтэл шашин гэж бичээд, шашин хоорондын тэмцэл хийлгүүлж байна гэсэн юм бичсэн байх юм. Хэтэрхий нэг талыг барьсан биш бодит эргэцүүлэл, санал бодлоо нийтэд дэлгэвэл таны хэлснээр хөөрөөд, даган баясаад, нэг талыг бариад байгаа хүмүүст харин зөвийг эргэцүүлэх боломж бус уу??!! Интэрнэт орчинд байдаг хэсэг нөхдүүд гэнэ үү? Тэр хүмүүсийн чинь ард гэр бүл үр хүүхдүүд нь байгаа, тэднийхээ төлөө, цаашлаад улс орон, шинэ залуу үеийн төлөө санаа зовсондоо тэр интэрнэтээр чинь дамжуулан санал, үзэл бодлоо илэрхийлж байна гэж ойлгож байна шүү дээ.
trsbtr · 2016/03/19
hi
Зочин · 2016/03/19
Насанбаяр болон зарим хүмүүсийг МҮҮН шашинтай гээд буруутгаад байгаа юм байхгүй харин шашиныхаа үзэл бодол гаж урсгалыг монголын бусад шашинтай ард иргэдэд төрийн эрх мэдэлээ ашиглаж сурталчилаад байгаад дургүй хүрч байна. Түүнээс биш хэдэн үхсэн хүний зурагтай гэрлэх өдөрт хэдэн удаа авсанд орж гарах нь маньд огт падгүй хэрэг бүр тэндээ амьдарсан ч өөрсдийнх нь эрх шүү дээ
Зочин · 2016/03/19
Төмөр замын гурван угсармалийн 48-р байрний Гомо Мөнхжаргал гэж алдаршсан шоронгоор олон жил явсан эр бий. Одоо 50 гарч яваа энэ эр яадаг гэхээр шоронд байхдаа банди нарийг эмэлдэг байсан гаж зуршлаа наранд гарч ирсэн хойноо орхиж чадалгүй байрнийхаа залуухан хөвгүүдийг татаж чангаасаар байгаад энэнээсээ болоод Гомо Мөнхөө нэр авсан хүн байгаан. Ичиж зовохыг мэдэхгүй нэгмөсөн улаан цагаандаа гарсан Гомо Мөнхөөг байрнийх нь залуус эхнэртээгээ унтаад таашаал авч чадахгүй болхоороо эхнэрээ хана мөргүүлж зоддог гэж ярьдаг юм байна лээ.
uuganaa · 2016/03/19
Dorgio.mn buren hudaldagdjee huurhii. Bichij bga n bugd Nasanbayariig umuursun aystai. Yadaj olon taliin bair suuriig sonsoj bichmeer bhd 1 tal l dugaraad bhiin naad tsenher ust Tserengiin ard engiin mash olon irged bga. huswel ard tumen yu ch hj chadna shuu
Зочин · 2016/03/19
болимоор юм ямар 3 р ангийн хүүхэд байнаа биш дээ шашин гэдгийг мэдэхгүй явж байгаад дараа нь шашин гэдгийг нь мэдээд би холсон гэж хэлчихэжээ ??????? Бүхэл бүтэн төрийн тэр тусмаа залуучуудын байгууллагын тэр тусмаа оюуны салбарын нөлөөтэй албан тушаал хашиж байсан хүн ингэж ярихлээр энгийн иргэн би гайхаад байна л даа ????? таны энэ албан тушаалд бол мэдэн булилсан дарга байж болмооргүй юм яагаад гэхээр монголын ард түмэн энэ албан тушаалын чинь заавар дор хүүхдүүдээ сурган хүмүүжүүлж байгаа ???? энгийн иргэд бид таньд итгэж таны үзэл бодлыг чинь сонсож хэрэгжүүлж суудаг ард түмэн бид нар ????? та мэдэхгүй би дараа нь мэдээд ХОЛДСОН гэж хэлдэг байж боломгүй юмаа ???? Монголын ард түмэн хэдэн зуун жил үндсэнийнхээ ёс заншил үзэл бодолоороо явж ирсэн түүхэн уламжлалаараа дэлхйид танмгдсан гайхавтай холч ухаантай ард түмэн . Харийн орны эмгэн өвгөн хоёрыг шүтэж амьдрах хувь тавилантй ард түмэн биш шүү дээ?????
Зочин · 2016/03/19
Шашны гаж урсгалд автсан хүнийг улс төрөөс зайлуулах нь яагаад буруу гэж