МАН, МАХН-ын эвсэх асуудал намуудын бага чуулгануудаар яригдаж улс төрийн хүрээнд болон АН-ынханд хүлээлт үүсгээд байсан бол энэ асуудал өчигдөр эцэслэн шийдэгдлээ.

 

МАХН хэлсэн, яриснаасаа гэнэт буцаж МАН-д 76 суудлаа 50:50 болгон хуваах санал тависнаар энэ асуудал үндсэндээ эцэслэгдсэн гэж хэлж болно. Мэдээж МАН хувьд хүлээж авч боломгүй саналыг тавьсан. Харин яагаад гэнэт ийм санал тавихад хэрэв ээ гэдэг нь өөрөө асуудал. Зарим албан бус эх сурвалжуудын мэдээллээс үзэхэд, МАХН-ын дарга Н.Энхбаярт АН-ын эрх баригчдын зүгээс Н.Энхбаярыг МАН-тай эвсүүлэхгүйн тул татгалзахын аргагүй санал тавьсан гэх мэдээлэл байна. Тухайлбал авлигын хэргээр ял эдэлж байсан түүнд Ерөнхийлөгч уучлал үзүүлж, эрх чөлөөтэй болгосон. Гэтэл ял эдэлж байсан хүнд уучлал үзүүлнэ гэдэг нь ялгүй болгохоос өөр учир түүний хувьд сонгуульд нэр дэвших, төрийн алба хаших эрх нь хязгаарлагдмал байгаа. Харин АН-ынхан түүний энэ байдлыг өөрсдөдөө ашигтайгаар эргүүлэхээр түүнийг өршөөж, ялгүй болгох ам өгсөн аж. Өөрөөр хэлбэл АН-ынхан Н.Энхбаярын ялтайд тооцуулах хугацааг хэрэгсэхгүй болгоно гэсэн үг.

 

Хэрэв тэд үнэхээр тохироонд хүрсэн бол Н.Энхбаяр улс төрд бүр мөсөн эргэж ирнэ. Түүний улс төрийн эрх ашиг, сонирхол зөрчлийг тааварлахын аргагүй юм.

 

О.Түвшин