УИХ-ын гишүүн, УИХ дахь АН-ын бүлгийн дарга, С.Эрдэнийн хамаатан, садан төрөл, түүний ойр дотны хүрээллийн хүмүүсийн төрийн болон улс төрийн албан тушаал хаших, сонгуульд өрсөлдүүлэх ажиллагааг эртнээс эхлэлтэй гэж үзэж болно.

 Тэрээр өөрийнхөө хүрээллийн хүмүүсийг ямар зорилготой улс төр, төрийн алба хашуулан ивээлдээ байлгаад байна вэ? гэсэн асуултын эрэлд хэн бүхнийг чиглүүлэх болсон. Тэгвэл УИХ-ын дарга асан З.Энхболдын тэргүүлдэг “Шонхор” фракц тэргүүтэй С.Эрдэнэ нарын команд Баянгол дүүргийн хувь заяаг дахин гартаа авахаар шулуудаж, байна. 2012 оны орон нутгийн сонгуульд Баянгол дүүрэгт С.Эрдэнийн эхнэр, хүү, бие төлөөлөгч, туслах, жолооч, бусад ойрын хүрээллийн 14 хүн нэр дэвшиж, тухайн үед “Вант” улсаа зарлан тунхаглаж байсан бол 2016 оны сум, дүүргийн иргэдийн төлөөлөгчдийн хурлын сонгуульд үүнээс ч дутагдахааргүй бүрэлдэхүүнтэй хүч үзэхээр болсон байна. 


Тухайлбал,  С.Эрдэнийн хүргэн хүү Г.Энхболд тэргүүтэй хэсэг бүлэг нөхөд сонгуулийн мөрийн хөтөлбөрөө хэвлэл мэдээллийн хэрэгсэлүүд буюу мөн С.Эрдэнийн харъяалалтай Smart TV, Za TV телевиз, интернэт сайтуудаар танилцуулж байна.


Орон нутгийн төрийн албанд өөрийн төлөөний хүнтэй байна гэдэг аль ч талдаа ашигтай гэдгийг С.Эрдэнэ нарын акулууд эртнээс мэдэрч, өөрөө УИХ-д сонгогдож, гар хөлөө хөдөлж мөнгө хүүлэх, албан тушаалын наймаа явуулах, бизнесийн хүрээллийнхэндээ ашигтай тендэр олгох зэрэг хууль бус ажиллагаанд гаршиж байгаагийн илрэл юм. Үүний жишээ С.Эрдэний ойрын хүн гэгдэх Баянгол дүүргийн өмч, газрын харилцааны газрын даргыг АТГ-аас хорьж шалгаж байгаа талаар хэвлэлүүд мэдээлж байсан. Яаж шийдэгдсэн нь тодорхой бус ч гэсэн одоогоор хоригдож байгаа талаар жиг жуг яриа өрнөөстэй байна.


Нийтлэлч Баабарын хэлсэнчлэн “...Эрүүгийн гэмт хэрэгтэн, өмнө нь шоронд орж байсан, БГД-ийн засаг дарга, нийгмийн даатгалын дарга байхаасаа л улсын мөнгөнд гараа дүрж хөлжиж эхэлсэн. 2012 онд АН ялаад намаараа л сайн хүн байгаа юм гээд алгаа тосоод авч байсан”, Хөгшин настай хүмүүсийг өөрийн Хандгайтад байх “Гурван тамир” амралтын газартаа  амруулсан болгож, амарсан мөнгийг нь улсаас  авч байна. Бид нар яагаад ийм улсуудаасаа салж болдоггүй юм бэ?  гэсэн үгнээс иш татвал энэ хүн улсын төвсийн мөнгийг хувийн компаний орлого болгон авч байгаа нь даамжирсаар л байна. Өнгөрсөн 4 жилд Баянгол дүүргийн засаг даргын тамгын газрын үйл ажиллагаа С.Эрдэнийн хувийн компани мэт байдалтай  байлаа. Энэ талаар сэтгүүлч Лунтангийн Болормаа агсаны нийтлэлүүдэд тодорхой харуулсан байдаг. Үнэндээ Хандгайтад Эрдэнэ вангийн хот сүндэрлэж байна. Хэний мөнгөөр вэ?. Баянголчууд Эрдэнэ вангаас төрийн үйлчилгээ хүртэх ёстой юу ?


Ороо нь ороогоороо жороо нь жороогоороо гэдэгчлэн жинхэнэ шорон дамжиж хүмүүжсэн түүний хүргэн Г.Энхболд гэгч ч мөн 2012-2016 онд дүүргийн орлогч хийгээд амжсан. Бас энэ удаа дахиад л даварч сонгуульд дэвшиж цэвэр ариунаа гайхуулан оролцож явна. Түүний туулж өнгөрүүлсэн амьдралын мөр бүхэн худал.


Мөн энэ удаагийн сонгуульд АН ялалт байгуулвал УИХ-ын гишүүн асан С.Одонтуяаг Баянгол дүүргийн засаг дарга болгоно гэсэн яриа гарсан. Иймэрхүү байдлаар албан тушаалын тохироо эртнээс хийгдэж, бялуу хуваах ажиллагаа нь өнгө зүсээ өөрчилж эхэлсэнийг харуулж байх тул идэхийн дон хүсэл нь хэвээрээ юм. Эцсийн дүндээ С.Эрдэнэ вантантайгаа байх уу, солих уу гэдгийг Баянгол дүүргийн сонгогч иргэдийн мэргэн сонголт л чухал болж үлдлээ.

А.Баярмаа