Амьдрал баян хэмээн бид ярих дуртай. Гэсэн ч муу муухай бүхэн дэргэд бугшиж байна гэж өглөөний ургах нарнаас үдшийн бүрий тасрах хүртэл ярилцах болсоор удлаа, бид. Дэргэдээ байгаа сайн сайхан зүйлсээс сэтгэл ханамж авч, гэрэл гэгээт үгсийг ч бие биедээ хэлэхээс харамлах болов. Бид материаллаг зүйлсийг дэндүү их хүсдэг болсноор хүний нүдэнд өртөж, гарт баригддаггүй тэр сайн сайхан зүйлсээсээ алхам алхмаар холдсоор байна.

Сайхан машин, том хаус гоё л доо. Гэхдээ сэтгэлийн угт дэнлүү мэт гэрэлтэн байдаг хайр, нам гүм байдал, халуун дулаан үгс, хөгжим, яруу найраг гээд гарт баригддаггүй маш олон зүйлс хүний сэтгэлийг Шинэ ондоо сайн сайхан бүхнээр дүүрэн байх болтугай хөгжимддөг. Бидний амьдарч буй энэ нийгэмд хүлцэн тэвчихийн аргагүй зүйлс олон тохиолддог. Үүнтэй маргах аргагүй. Шазуур зуун, дургүйцэл бухимдлаа илэрхийлж, өөрсдийгөө нервтүүлдэг байдлаасаа салах юмсан гэдэг хүсэл хүн бүрт байдаг ч эрэл мухарддаг.

Ямарч хоосон хүн дэргэдэх хүнээ хязгааргүй баяр жаргалаар дүүргэх боломж нь хайр юм. Бүх цаг үеийн түүхэнд хамгийн үнэ цэнэтэй байсаар ирсэн сэдэв. Тиймээс дэргэдэх хүндээ хайртай гэдгээ баярлаж талархаж байгаагаа харамгүй хэлж баймаар байна. Бид үүнийг хамгийн сайн мэддэг ч хамгийн ихээр биесээсээ харамладаг зүйлсийн нэг. Автобусанд, таксинд, хотын гудмаар алхаж явахдаа ч хэн нэгэнд сайхан үг хэлээд үз. Хэн ч таныг тэнэг, мангар гэж дуудахгүй л байх. Мөн нам гүм орчинд хэдхэн хором саатахад сэтгэл оюун өөрөө өөрийгөө тайвшруулдаг юм. Таныг эрсдэлгүй адал явдалд уриалж буй зүйлд зөвшөөрч байх хэрэгтэй шүү.

Үүнд багтсанаараа том олз олохгүй ч инээд баяр дүүрэн цаг хугацааг өнгөрүүлж чадна. Инээд баясал гэдэг үнэ цэнтэй зүйл бас л ховор. Атаа хорсол, үзэн ядалт, урвалт шарвалтыг бид бишгүй харлаа, мэдэрлээ. 2016 он улиран одож, айсуй 2017 он хаалга тогшин байна. Шинэ ондоо сайн сайхан бүхнээр дүүрэн байх болтугай.