Жил гаруйхны өмнөхөн дөрвөн давхрын тагтнаас шидүүлж, хүндээр бэртсэн гэх загвар өмсөгч А.Пүрэвмаа сүүлийн үед хийж буй хүмүүнлэгийн ажлаараа олны анхаарлыг татаад байгаа.

Өвчтэй хүүхдүүд, өндөр настнуудад туслах зорилгоор олон ажил зохион байгуулсан тэрбээр нэгэн төрийн бус байгууллагад харьяалагддаг юм билээ. Хэдийгээр олон удаагийн хагалгаанаас үүдэж хоёр хөл нь урт богино болсон ч гэлээ, тэрбээр спортоор уйгагүй хичээллэж дахин загварын тайзнаа гарах хүсэл тэмүүллээр дүүрэн явдгаа ярьсан удаатай.

Энэ ч утгаараа, тэргэнцэртэй иргэдийн загварын шоунд амжилттай оролцож бүр хоёр хөл дээрээ босч зогсон олныг алмайруулсан. Ийнхүү ажил, амьдралаараа хэн хүний анхаарлын төвд багтаж чадсан түүний нүцгэн зургууд цахим ертөнцөөр тарж, томоохон шуугиан дэгдээгээд байна. Харин тэрбээр энэ бүхэнд тайлбар хийсэн бөгөөд “Өвчтэй хүүхдэд туслах зорилгоор мөнгө цуглуулж байгаа учраас Баяраа гэдэг найздаа дансны хуулгаа олонд ил болгох шаардлага тавьсан. Гэтэл түүнтэй урьд нь дотно мессеж бичдэг байхдаа явуулсан зургуудыг минь ингэж тараагаад намайг эвгүй байдалд орууллаа. Баярлалаа, Баяраа” хэмээн өөрийн цахим хуудсанд бичжээ.

Н.Шатар