Иргэдийн амар амгалан байдлын төлөө цаг ямагт ажиллаж байдаг цагдаагийн албан хаагчдаа магтахын зэрэгцээ шүүмжлэлүүд ч ихээр байдаг.

Тэр дундаа замын цагдаагийн албан хаагчид цас, бороо, салхи шуургатай үед замын хөдөлгөөнөө зохицуулан үүргээ биелүүлж л байдаг. Энэ бүхний явцад тэднийг шүүмжлэх зүйл үргэлж л гарна. Баяр ёслол ойртож байгаатай холбогдуулан сүүлийн өдрүүдэд хяналт шалгалт нэмэгддэг бөгөөд энэ нь иргэдийн эд хөрөнгө, амь нас, эрүүл мэндийн төлөө л хийж буй ажлууд билээ. 

Согтууруулах ундаа хэрэглэсэн үедээ замын хөдөлгөөнд оролцох нь бусдад болоод өөрийн эрүүл мэнд, амь насыг аюулд оруулж байгааг жолооч бүр ухамсарлах ойлгодог хэдий ч энэ зөрчил өдөр бүр л гарсаар 

Хамгийн сүүлийн мэдээгээр буюу 2017 оны 12 дугаар сарын 16-17-ны хооронд Замын цагдаагийн албаны ЖШУХ нийтдээ 673 дуудлага, мэдээ мэдээлэл хүлээн авснаас зам тээврийн ослын 490 дуудлага бүртгэгдсэн бөгөөд осол хэргийн улмаас 2 хүний амь нас хохирсон хэрэг гарсан байна.
Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 82 жолоочийг илрүүлэн саатуулжээ. 
 

Энэ мэтээр согтууруулах ундаа хэрэглэсэн жолооч өдөр бүр л бүртгэгдэж байгаа юм. Тиймээс жолооч нар өөрсдийн хариуцлагаа ухамсарлан авто машинаа хөдөлгөөнд оролцуулах байх эсвэл зохих үйлчилгээ эрхлэн явуулдаг дуудлагын жолоочоор үйлчлүүлэх нь зүйтэй. 

Сайны хажуугаар саар гэгчээр энэ мэтээр үүргээ биелүүлж буй ажилтнуудыг шүүмжлэх зүйлс мэр сэр байсаар. Жишээ нь жолооч нар өглөө цагаар цагдаа нар шалгалт явуулж, архи гарсан үед жолоодох эрхийг хасч байна хэмээн гомдоллох болжээ. 

Урд өдөр уусан архи маргааш нь гараагүй байвал тэр хүний элэг нь муу. Согтууруулах ундааны төрлийн зүйлийг тухайн хүний бие хүлээж авч чадахгүй байна гэсэн үг. Тэгэхээр сэтгэн бодох, самбаачлах хугацаа, орчин тойрондоо үнэлэлт дүгнэлт өгөх чадварт согтууруулах ундаа нөлөөлсөн хэвээрээ байна гэж үздэг. Тиймээс хориглоод байгаа юм.

Тиймээс жолооч нар өөрсдийн энэ үйлдэлдээ замын цагдааг шүүмжлэх нь зөв үү буруу юу? Үүнийгээ нэг тунгаан бодох хэрэгтэй болов уу.