Өнгөрсөн шөнө нийслэлийн Сонгинохайрхан дүүрэгт хүн амины онц ноцтой хэрэг гарчээ. Тодруулбал 60 орчим настай иргэнийг цээж, нуруун тус газар нь 30-аад удаа хутгалж хөнөөсөн байсан талаар эх сурвалж мэдээлжээ.

Эрүүгийн цагдаагийн газрынхан болон цагдаагийн байгууллагынхан өнгөрсөн шөнө хүч нэмэгдүүлэн самналт хийж эхэлсэн бөгөөд өнөө өглөө Мөрдөн шалгах газрын алба хаагчид гэмт этгээдийг дайчлан баривчилсан байна. Одоогоор энэ хэргийн талаар тодорхой мэдээлэл өгөөгүй байгаа юм.