“Univerise best songs” наадмын шилдэг оролцогчдын нэг Очгэрэл “Mongolian Beauty” гэгч фотомоделийн тэмцээнээр олны танил болж байсан урлагт хайртай нэгэн. Тус тэмцээний тэргүүн байрыг эзлэж байсан Очгэрэлд харц унагах эрчүүд олон байсан гэдэг ч тэрээр амьдралынхаа ханиар Монгол Банкны ерөнхийлөгч агсан О.Чулуунбатын хүү Ч.Бөртөнбатыг сонгосон юм. Тэд анх үерхээд ердөө хоёр жил болоод хуримаа хийсэн төдийгүй одоо тэд дөрвөн хүүхдийн аав ээж болцгоожээ.

Хамгийн бага хоёр хүүхдээ кино зураг авалтын үеэр төрүүлсэн аж. Хамгийн сүүлд "Говийн домог" киноны зураг авалтаар амаржиж байсан тэрбээр гурван жилийн өмнө "Содура" киноны үеэр мөн охиноо төрүүлж байжээ. Гэр бүлийн ажлын хажуугаар уран бүтээлд ч зав гарган амжуулдаг тэрбээр ийнхүү шинэ киногоороо урлагт эргэн ирж байгаа аж.