Сүүлийн хэдэн сарын турш VOICE OF MONGOLIA шоугаар үзэгч олны анхаарлыг өөртөө татаад байсан дасгалжуулагч Ука бэлдсэн оролцогчоо түрүүлүүлээд нэлээд амжилттай оролцсон. Тэгвэл үүний дараахан өөрийн бие даасан "DON'T STOP" тоглолтоо өнгөрсөн амралтын өдрөөр танхим дүүрэн хүнтэй хийсэн гээд олон амжилтыг дурдаж болно. 

Эмэгтэй уран бүтээлчид дундаас яг энэ цагийн хамгийн шилдэг нь гэж хэлж болохоор тэрбээр өчигдөр цахим ертөнцөд нэлээд шүүмжлүүлээд авсан. Шууд нэвтрүүлгийн үеэр үзэгч болон хамтран оролцогчоо хүндэтгээгүй гэсэн шалтгаанаар түүнийг шүүмжлэх хүн олон байв. Гэсэн ч дуучин бүсгүй болсон явдалд уучлалт гуйсан билээ. 

Ямартаа ч сүүлийн саруудад сайн муугаар цолуулж буй тэрбээр уран бүтээлийн хувьд олз арвинтай байгаа юм.