Монголын сорин спорт, уяачдын холбооны VII их хурал “Эв нэгдэл, хамтын ажиллагаа” уриан дор болж өчигдөр дуусч шинэ удирдлагатай болжээ.

Энэ удаагийн их хурлын гол зорилго нь ММСУХ-ны сүүлийн 10 жилд хийсэн ажлыг дүгнэн хэлэлцэж Улсын баяр наадмын хуульд оруулах нэмэлт өөрчлөлт болон холбооны дүрмийг шинэчлэхээр хөтөлбөртөө тусгасан байна.

Тус холбооны тэргүүнээр ажиллаж байсан М.Энхболд ажлаа өгснөөр өнгөрсөн гуравдугаар сараас хойш түр орлон гүйцэтгэгчтэй байсан холбооныхон ийнхүү Ерөнхийлөгчөөрөө Монгол Улсын тод манлай уяач Ц.Батсайханыг сонгожээ. Тэрбээр авто спортын мастер, "Айзам" хамтлагийн дуучин, "Симба" группын захирал юм байна.