Сүхбаатар аймгийн Дарьганга сумаас зүүн хойш 60 км-т орших Шилийн Богд ууланд өчигдөр орой 17.20 минутын үед ой хээрийн түймэр гарчээ.

Түймэр гарсан талаарх дуудлагыг холбогдох байгууллагуудад шуурхай өгсөн байна. Тус газарт ойролцоох жуулчны баазын ажилчид, Шилийн богдын ойролцоох Хилийн цэргийн 0184 дүгаар заставын бие бүрэлдэхүүн түймрийг унтрааж цурманд оруулжээ. Галын улмаас 10 гаруй мянган мод бүрэн шатжээ.
 
Хийморио сэргээхээр гарсан иргэд Шилийн богд ууланд түймэр тавьж, улмаар хэргийн газраас зугтаасан байна. 

Гал гарахаас өмнөхөн суудлын цагаан өнгийн автомашинтай хоёр эрэгтэй, нэг эмэгтэй уул руу гарсан бөгөөд эдгээр иргэд гал алдсныхаа дараа түймрийн голомтоос зугтсан боловч замдаа автомашиных нь дугуй хагарснаар цагдаагийн алба хаагчдад баригджээ.