Жүжигчин Амараа буюу Б.Амарсайханг кино сонирхогчид сайн танина. Харин "Миний нэрийг Амараа" гэдэг рекламаар нь бол телевиз үзэгчид андахгүй мэднэ. Тэрбээр тун саяхан "Үргээлэг" уран сайхны кинонд тоглоод зураг авалтаа дууссан байна.

Б.Амарсайхан Малайзад очиж, Холливудын кинонд тоглох анхны дүрээ авч бэлтгэлдээ оржээ. Тодруулбал, тэрбээр дэлхийн 20 орны 600 гаруй уран бүтээлчид оролцон бүтээж буй нэрт аялагч Марко Пологийн тухай кинонд туслах дүр бүтээхээр болсон аж.  Энэ тухайгаа жүжигчин залуу маань кино багийнхантайгаа авахуулсан зургаа цахим хуудаснаа нийтэлж найзуудтайгаа хуваалцсан юм.

Дээрх зураг дээр байгаа хамгийн жижиг биетэй залуу нь Хубилай хааны дүрийг бүтээж байгаа аж. Харин жүжигчин  Амараа болон бусад залуус нь түүний баатруудад тоглох юм байна.

Д.Ана