Улаанбаатарт 583, орон нутагт 356, зөөвөрлөгдсөн нэг тохиолдол бүртгэгдэж, есөн хүн нас барлаа
2021/11/06
Улсын хэмжээнд сүүлийн 24 цагийн хугацаанд 940 иргэн коронавирусийн халдвараар өвчилсөн нь PCR шинжилгээгээр батлагджээ. Үүнээс
- Улаанбаатарт - 583
- Орон нутагт - 356
- Гадаадаас зөөвөрлөгдсөн - нэг тохиолдол PCR шинжилгээгээр батлагдсан байна.
Мөн хугацаанд коронавируст халдварын улмаас есөн хүн нас барсан талаар ЭМЯ мэдээллээ.
Өнөөдрийн байдлаар COVID-19 халдварын улмаас нийтдээ 1,766 хүн эндээд байна. Талийгаачдын гэр бүл, төрөл төрөгсдөд гүн эмгэнэл илэрхийлье.
Одоогоор коронавируст халдварын улмаас улсын хэмжээнд 13,915 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 39,758 хүн Өрхийн эмчийн хяналт дор гэрээр эмчлүүлж байгаа.
Эмнэлэгт хэвтэн эмчлүүлж буй иргэдийн биеийн байдлыг үнэлбэл:
- Хөнгөн – 6,155
- Хүндэвтэр- 5,908
- Хүнд – 1,561
- Маш хүнд – 291 хүн байна.
Эрүүл мэндийн яамнаас өдөр бүр зөвхөн PCR шинжилгээгээр эерэг гарсан тохиолдлыг мэдээлж буй. Харин түргэвчилсэн тестээр эерэг гарсан эсвэл шинж тэмдэг илэрсэн иргэдийг энэ тоонд оруулж тооцохгүй, зөвхөн эмчилгээ хийж байгаа юм.
