2022 оны хоёрдугаар улирлын НӨАТ-ын буцаан олголтын мөнгө иргэдэд хүлээлт үүсгээд байна. Энэ талаар Татварын Ерөнхий Газрын зөвлөгөө, мэдээлэл өгөх лавлах утсаар холбогдож тодруулахад "НӨАТ-ын буцаалтыг хуулиараа 45 хоногийн дотор олгодог. Долдугаар сарын 29-нөөс иргэдийн дансанд шилжүүлж эхэлнэ гэсэн мэдээлэл байна" гэв.

Татварын Ерөнхий Газраас хэчнээн иргэнд, хэдэн төгрөгийг буцаан олгох статистик мэдээлэл гараагүй байна.

Энэ оны хоёрдугаар улирлын төлбөрийн баримтаа долдугаар сарын 8-ны 23:59:59 цагаас өмнө системд бүртгүүлэн буцаан олголтын урамшууллаа авахыг Татварын Ерөнхий Газраас мэдээлж байв.

НӨАТ-ын буцаалтыг олгох журмаас:

• Нэгдүгээр улирлын буцаан олголтыг дөрөвдүгээр сард,
• Хоёрдугаар улирлын буцаан олголтыг долдугаар сард,
• Гуравдугаар улирлын буцаан олголтыг аравдугаар сард,
• Дөрөвдүгээр улирлын буцаан олголтыг дараа оных нь нэгдүгээр сард олгодог журамтай тул энэ сардаа багтаан олгох бололтой.

Нэгдүгээр улиралд 1,136,755 иргэнд 57.5 тэрбум төгрөгийг буцаан олгосон. Эдгээр иргэдийн 39.9% нь 20,000 хүртэлх төгрөгийн урамшуулал авч байв.